Almatyda qaitadan karantin bolýy ábden múmkin. Bul týraly qala ákimi Baqytjan Saǵyntaev onlain brifing barysynda aitty, dep habarlaidy QazAqparat.
«Eger epidemiologiialyq ahýal nasharlaityn bolsa, qala qaitadan karantinge jabylýy ábden múmkin. Men almatylyqtarǵa alǵys aitamyn. 2 ai shydap úide otyrǵandary úshin. Naýryzdyń sońynda qalada 35 myń ǵana kólik júrgen. Al karantinge deiin munda 500 myń qala turǵynynyń, 250 myń oblys turǵynynyń kóligi qalada júretin. Biraq 2 aida shydam degen bitti. Tótenshe jaǵdai rejimi alynǵan soń bári syrtqa shyqty. Qarasańyz, ár oblysta koronavirýs kórsetkishi artyp keledi. Eger olai bolatyn bolsa, qatań karantin rejimi qaitarylady», - dedi qala ákimi Baqytjan Saǵyntaev.
Onyń aitýynsha, 15 sáýirden keiin Qazaqstanǵa Qytaidan dárigerler kelgen. Sheteldik mamandar Almaty qalasyndaǵy karantin rejiminiń saqtalýyn joǵary baǵalaǵan.
Naýryzdyń basynda QR DSM Almaty qalasynda koronavirýs 850 adamǵa juǵady degen boljam aitqan.
«Al qazir qansha? 2353 adam. Al resbýlika boiynsha 9 myńna nasty. Eger, dalaǵa shyǵýǵa ruqsat berilse, onda tek maskamen shyǵý kerek. Qashyqtyq saqtaý kerek. Al bizde qalai? Bir-birin aýyzasharǵa shaqyryp, sýretke túsip, áleýmettik jelige jariialap jatyr», - dedi ákim.
