الماتىدا قايتادان كارانتين بولۋى ەبدەن مٷمكٸن. بۇل تۋرالى قالا ەكٸمٸ باقىتجان ساعىنتاەۆ ونلاين بريفينگ بارىسىندا ايتتى, دەپ حابارلايدى قازاقپارات.
«ەگەر ەپيدەميولوگييالىق احۋال ناشارلايتىن بولسا, قالا قايتادان كارانتينگە جابىلۋى ەبدەن مٷمكٸن. مەن الماتىلىقتارعا العىس ايتامىن. 2 اي شىداپ ٷيدە وتىرعاندارى ٷشٸن. ناۋرىزدىڭ سوڭىندا قالادا 35 مىڭ عانا كٶلٸك جٷرگەن. ال كارانتينگە دەيٸن مۇندا 500 مىڭ قالا تۇرعىنىنىڭ, 250 مىڭ وبلىس تۇرعىنىنىڭ كٶلٸگٸ قالادا جٷرەتٸن. بٸراق 2 ايدا شىدام دەگەن بٸتتٸ. تٶتەنشە جاعداي رەجيمٸ الىنعان سوڭ بەرٸ سىرتقا شىقتى. قاراساڭىز, ەر وبلىستا كوروناۆيرۋس كٶرسەتكٸشٸ ارتىپ كەلەدٸ. ەگەر ولاي بولاتىن بولسا, قاتاڭ كارانتين رەجيمٸ قايتارىلادى», - دەدٸ قالا ەكٸمٸ باقىتجان ساعىنتاەۆ.
ونىڭ ايتۋىنشا, 15 سەۋٸردەن كەيٸن قازاقستانعا قىتايدان دەرٸگەرلەر كەلگەن. شەتەلدٸك ماماندار الماتى قالاسىنداعى كارانتين رەجيمٸنٸڭ ساقتالۋىن جوعارى باعالاعان.
ناۋرىزدىڭ باسىندا قر دسم الماتى قالاسىندا كوروناۆيرۋس 850 ادامعا جۇعادى دەگەن بولجام ايتقان.
«ال قازٸر قانشا? 2353 ادام. ال رەسبۋليكا بويىنشا 9 مىڭنا ناستى. ەگەر, دالاعا شىعۋعا رۇقسات بەرٸلسە, وندا تەك ماسكامەن شىعۋ كەرەك. قاشىقتىق ساقتاۋ كەرەك. ال بٸزدە قالاي? بٸر-بٸرٸن اۋىزاشارعا شاقىرىپ, سۋرەتكە تٷسٸپ, ەلەۋمەتتٸك جەلٸگە جارييالاپ جاتىر», - دەدٸ ەكٸم.
