QR Ulttyq kitaphanasynda «Qasymnyń ánderi-ai» jinaǵynyń tusaýy kesildi. Án-jinaq qazaq poeziiasynyń kórnekti ókili, daýylpaz aqyn Qasym Amanjolovtyń týǵanyna 110 jyl tolýyna orai jaryq kórdi, dep habarlaidy QazAqparat.
Sharaǵa belgili óner jáne qoǵam qairatkerleri, ziialy qaýym ókilderi qatysty.
Aty ańyzǵa ainalǵan has talanttyń mereitoiyna arnap shyǵarylǵan elektrondy taspaǵa buryn jáne jańa jazylǵan jiyrma tórt án engizilgen.
Shara aiasynda jinaqtyń demeýshisi Rymbala Omarbekova QR Ulttyq kitaphanasy óz rizashylyǵyn bildirip, kitaphana qoryna «Qasym taǵlymy», «Bir názik sáýle» jáne Qasym Amanjolov bibliografiialyq kórsetkishin syiǵa tartty.
Biyl Qasym Amanjolovtyń mereitoiyna orai elimiz boiynsha túrli is-sharalar ótti.
«Qasym Amanjolov – qazaq poeziiasynda tóńkeris jasaǵan tulǵa. Adam janyna úńilý, onyń ishki iirim, qaiyrymdaryna arnalǵan názik lirikalary qazaq poeziiasynda jańa baǵytty týǵyzýǵa áser etken alyp tulǵa», – dedi aqyn, Qazaqstannyń eńbek sińirgen qairatkeri Júrsin Erman.
