Almaty politsiiasy brifing kezinde terroristik áreket jasamaq boldy degen kúdikpen ustalǵandardyń qandai maqsaty bolǵanyn aitty, dep habarlaidy "Ult aqparat".
Qalalyq IID-niń resmi ókili Saltanat Ázirbektiń aitýynsha, tergeý barysynda kúdikti Jumaǵulov, Omyrov, Ábishevter quqyq qorǵaý organdaryna qarsy búlik shyǵarmaq bolǵany anyqtaldy.
«Tergeý barysynda Jumaǵulov basqarǵan top quqyq qorǵaý organdary men memlekettik qurylymdarǵa qarsy qarsylyq uiymdastyrmaq bolǵanyn dáleldeitin derekter tabyldy. Sonymen qatar, olar politsiia qyzmetkerlerine qońyraý shalyp, otbasy múshelerin qorqytpaq bolǵan. Bet-aýyzdaryn búrkep memlekettik organ basshylarynyń atyna videohabarlama jiberýdi josparlaǵan», - dedi S.Ázirbek.
Uiymdastyrýshy jeke kásipkerlerdiń qarjysyna qylmystyq topty qarjylandyrýdy kózdegen.
«A. Jumaǵulov aqsha alý maqsatynda jeke kásipkerlerden aqsha bopsalaityn qylmystyq top qurmaqshy bolǵan. Osy maqsattarda Qyrǵyzstannan qarý ákelýdi josparlaǵan. Quqyq qorǵaý organdarynyń ókilderi olardy ustaǵan jaǵdaida kináni óz moinyna alatyn adamdardy da izdegen. Jasyryný maqsatynda uialy telefondar men sim-kartalardy alyp qoiýdy josparlaǵan. Aqsha bopsalaǵannan keiin A.Jumaǵulov quqyq qorǵaý organdarynyń qyzmetkerlerine belsendi túrde shabýyl jasamaqshy boldy», - dedi Saltanat Ázirbek.
Kásipkerlerdi bopsalaýdan túsken aqshamen Jumaǵulov quqyq qorǵaý organdarynyń qyzmetkerlerine qarsy belsendi shabýyl jasamaq bolǵan.
Aita ketý kerek, 25 qarashadan bastap qalalyq IID Jumaǵulov, Omyrov, Ábishevke qatysty qylmystyq isti tergep jatyr. Kúdiktilerge QR QK 256-baby «Terrorizmdi nasihattap, terrorizm aktisin jasaýǵa ashyq túrde shaqyrdy» degen aiyp taǵylyp otyr.
