Almatyda tártipsizdik jasaýdy josparlaǵan bir top adam ustaldy. Bul týraly Almaty qalalyq IID resmi ókili Saltanat Ázirbek Tengrinews.kz tilshisine habarlady.
Onyń málimetinshe, QR QK-niń 256-babynyń 1-bóligi ("Terrorizmdi nasihattaý nemese terrorizm aktisin jasaýǵa jariia túrde shaqyrý") boiynsha sotqa deiingi tergeý júrip jatyr.
"Top lideri A.Jumaǵulovqa, O.Ómirovke jáne K.Ábishevke qatysty qamaqqa alý túrindegi bultartpaý sharasy tańdaldy. Tergeý nusqasy boiynsha, olar tirkelmegen qoǵamdyq uiym aiasynda Almatyda qoǵamdyq tártipti buzyp, halyqty úrkitkisi kelgen, sondai-aq, quqyq qorǵaý organdarynyń jumysyna qastyq jasaǵysy kelgen. Kúdiktiler osy josparyn iske asyrý úshin nasihat materialdaryn, qarýly "jihadqa" videoúndeýler daiyndaǵan", - dedi Ázirbek.
"Munymen qatar, olar osy áreketi úshin jaýapkershilikten jaltarý úshin memlekettik jáne quqyq qorǵaý organdarynyń qyzmetkerlerin qorqytyp, úrkitý (anonim qońyraý shalý, olardy jáne otbasyn óltiremin dep qorqytý videojazbalary) boiynsha aktsiialar jasaýdy josparlaǵan", - dep habarlady IID ókili.
Anonim videoúndeýlerde ustalǵandar betperde, dini-ekstremistik "Hizb-ýt-Tahrir" partiiasynyń (Qazaqstanda tyiym salynǵan) belgileri men qarý qoldanǵan. Olar ózderi nasihattaǵan ideiany qoldaý úshin zańǵa qaishy jappai áreketter jasaýǵa shaqyrǵan. Kúdiktiler jaqtastaryn izdegen. Bul rolik jáne elektrondy tasymaldaýshylar men dini ádebiet tárkilenipti. Olarǵa saraptama júrgiziledi.
"Qazirgi nusqa boiynsha, bul top shetelde qashyp júrgen qylmystyq elementteriniń tapsyrysy boiynsha áreket etken. Qazirgi ýaqytta olar Almaty qalalyq IID-niń tergeý izoliatoryna qamaldy. Eki adamǵa qatysty sotqa deiingi tergeý merzimine bultartpaý sharasy tańdalyp jatyr", - dedi IID ókili.
Aitýynsha, bul top músheleriniń biri munyń aldynda kisi óltirgeni úshin sotty bolǵan.
