Almatyda «Kamerad» qarý-jaraq dúkenin tonaǵan taǵy eki adam ustaldy, dep habarlaidy QazAqparat.
Almaty qalalyq politsiia departamentiniń málimetinshe, ustalǵandar 27-28 jas aralyǵyndaǵy Almaty oblysynyń eki turǵyny bolyp shyqty.
Olardyń biri buryn bótenniń múlkin urlaǵany úshin sotty bolǵan.
«Bul joly kúdiktiler qarý-jaraq dúkeniniń múlkine kóz salǵan. 6 qańtarǵa qaraǵan túni olar «Kamerad» qarý-jaraq dúkenin tonap, odan 5 tegis uńǵyly myltyq, patrondar men oq ótpeitin jidelerdi urlaǵan. Kúdiktiler ustaldy jáne qamaýǵa alyndy», - deidi Almaty qalalyq politsiia departamenti bastyǵynyń orynbasary Berik Ábilbekov.
Politsiia ókiliniń sózinshe, zattai aiǵaqtar tárkilendi. Ustalǵandardyń basqa da, sonyń ishinde jappai tártipsizdikter kezinde oryn alǵan qylmystarǵa qatystylyǵy tekserilýde.
Qylmystyq isti Áýezov aýdandyq PB janyndaǵy politsiia bólimi QR QK-niń 291-baby, 3-bóligi boiynsha tergep jatyr.
