Almatyda 2244 adam karantindi buzyp, jaýapqa tartyldy, dep habarlaidy "Ult aqparat".
Sot sheshimimen karantin engizgen sátten bastap tótenshe jaǵdai rejimin buzǵany úshin 2 244 adam ákimshilik jaýapkershilikke tartyldy.
«Onyń ishinde 605 quqyq buzýshy ákimshilik qamaýǵa alyndy, 1255 adamǵa aiyppul salyndy, 514 adamǵa eskertý jasaldy. Ótken táýlik ishinde mamandandyrylǵan aýdanaralyq ákimshilik sotymen QR ÁQbK 476-baby boiynsha 23 ákimshilik material qaraldy. Onyń ishinde 7 adam ákimshilik qamaýǵa alynsa, 5 adamǵa aiyppul salyndy, 11 adam eskertý aldy. Shekteý sharalary bastalǵannan beri kóshede sebepsiz júrgeni úshin 1801 adam ákimshilik jaýapkershilikke tartyldy, onyń ishinde 432 adam qamaýǵa alyndy, 931 aiyppul salyndy, 438 adam eskertý aldy», - dedi Politsiia departamentiniń baspasóz qyzmetinen.
Jol kedergilerin ainalyp ótip, qalaǵa kirý tártibin buzǵany úshin QR ÁQbK 476-baby boiynsha 441 adam ákimshilik jaýapqa tartyldy. Olardyń 173 qamaýǵa alyndy, 194-ine aiyppul salyndy, 74 adamǵa eskertý berildi.
