الماتىدا 2244 ادام كارانتيندٸ بۇزىپ, جاۋاپقا تارتىلدى, دەپ حابارلايدى "ۇلت اقپارات".
سوت شەشٸمٸمەن كارانتين ەنگٸزگەن سەتتەن باستاپ تٶتەنشە جاعداي رەجيمٸن بۇزعانى ٷشٸن 2 244 ادام ەكٸمشٸلٸك جاۋاپكەرشٸلٸككە تارتىلدى.
«ونىڭ ٸشٸندە 605 قۇقىق بۇزۋشى ەكٸمشٸلٸك قاماۋعا الىندى, 1255 ادامعا ايىپپۇل سالىندى, 514 ادامعا ەسكەرتۋ جاسالدى. ٶتكەن تەۋلٸك ٸشٸندە مامانداندىرىلعان اۋدانارالىق ەكٸمشٸلٸك سوتىمەن قر ەقبك 476-بابى بويىنشا 23 ەكٸمشٸلٸك ماتەريال قارالدى. ونىڭ ٸشٸندە 7 ادام ەكٸمشٸلٸك قاماۋعا الىنسا, 5 ادامعا ايىپپۇل سالىندى, 11 ادام ەسكەرتۋ الدى. شەكتەۋ شارالارى باستالعاننان بەرٸ كٶشەدە سەبەپسٸز جٷرگەنٸ ٷشٸن 1801 ادام ەكٸمشٸلٸك جاۋاپكەرشٸلٸككە تارتىلدى, ونىڭ ٸشٸندە 432 ادام قاماۋعا الىندى, 931 ايىپپۇل سالىندى, 438 ادام ەسكەرتۋ الدى», - دەدٸ پوليتسييا دەپارتامەنتٸنٸڭ باسپاسٶز قىزمەتٸنەن.
جول كەدەرگٸلەرٸن اينالىپ ٶتٸپ, قالاعا كٸرۋ تەرتٸبٸن بۇزعانى ٷشٸن قر ەقبك 476-بابى بويىنشا 441 ادام ەكٸمشٸلٸك جاۋاپقا تارتىلدى. ولاردىڭ 173 قاماۋعا الىندى, 194-ٸنە ايىپپۇل سالىندى, 74 ادامعا ەسكەرتۋ بەرٸلدٸ.
