Almaty qalasynyń bas sanitar dárigeri Jandarbek Bekshinniń jańa qaýlysy shyqty, dep habarlaidy «Ult aqparat».
Qujatta saýda oiyn-saýyq ortalyǵy men kafe, meiramhana men bazarlardyń jumysyna shekteýler engizý jaiy qamtylǵan. Jumys kúnderi saýda oiyn-saýyq ortalyqtarynyń, saýda úileri men saýda jelileriniń qyzmeti saǵat 10.00-den 20.00-ge deiin shekteledi.
Al demalys kúnderi olardyń jumysyna múlde tyiym salyndy. Senbi, jeksenbi kúnderi jabyq bazarlar jumys istemeidi.
Jumys kúnderi saǵat 17.00-ge deiin ruqsat etildi. Qoǵamdyq tamaqtaný obektileriniń qyzmetine 9:00-den 20:00-ge deiin ruqsat.
Tolymdylyq deńgeii 50% aspaidy, ár ústelge 4 orynnan ruqsat beriledi. Áleýmettik araqashyqtyqty, maska rejimin, termometriiany saqtaý qajet.
Sondai-aq, jańa qaýlyda saýda jáne oiyn-saýyq ortalyqtary men saýda úilerinde ornalasqan tamaqtandyrý oryndary men fýdkordtardyń jumysyn shekteý jaiy qarastyrylǵan. Olar saǵat 7:00-den 20:00-ge deiin aldyn ala jazylý arqyly tek daiyn tamaqty úiine jetkizý boiynsha qyzmet ete alady.
