Almatyda osy ýaqytqa deiin karantin rejimin buzǵan 1 965 adamǵa ákimshilik hattama toltyryldy, onyń 577-si qamaýǵa alyndy. Bul týraly Almaty qalasy Politsiia departamentiniń basshysy Qanat Taimerdenov brifing barysynda aitty, dep habarlaidy "Ult aqparat".
Onyń aitýynsha, karantin bastalǵaly Almaty politsiiasy qala turǵyndaryna túsindirý jumystaryn jiti júrgizip keledi. Desekte, karantin rejimin buzatyndar sany azaiar emes.
«Jalpy, karantin engizilgennen bastap, sotpen tótenshe jaǵdai rejimin buzǵany úshin 1 965 adam ákimshilik jaýapkershilikke tartyldy, onyń ishinde 577 quqyq buzýshy ákimshilik qamaýǵa alyndy, 1 054 adamǵa aiyppul salyndy, 334 adamǵa eskertý jasaldy. Sondai– aq, blokposttardy ainalyp ótip, qalaǵa kirmek bolǵan 397 adam ákimshilik jaýapkershilikke tartyldy, olardyń 169-y qamaýǵa alyndy, 184-ne aiyppul salyndy, 44 adamǵa eskertý berildi», - dedi onlain brifing barysynda Qanat Taimerdenov.
Sonymen qatar ol, qalanyń ishinde ornatylǵan 41 bekette 54 myńnan astam kólik tekserilgenin atap ótti.
