الماتىدا وسى ۋاقىتقا دەيٸن كارانتين رەجيمٸن بۇزعان 1 965 ادامعا ەكٸمشٸلٸك حاتتاما تولتىرىلدى, ونىڭ 577-سٸ قاماۋعا الىندى. بۇل تۋرالى الماتى قالاسى پوليتسييا دەپارتامەنتٸنٸڭ باسشىسى قانات تايمەردەنوۆ بريفينگ بارىسىندا ايتتى, دەپ حابارلايدى "ۇلت اقپارات".
ونىڭ ايتۋىنشا, كارانتين باستالعالى الماتى پوليتسيياسى قالا تۇرعىندارىنا تٷسٸندٸرۋ جۇمىستارىن جٸتٸ جٷرگٸزٸپ كەلەدٸ. دەسەكتە, كارانتين رەجيمٸن بۇزاتىندار سانى ازايار ەمەس.
«جالپى, كارانتين ەنگٸزٸلگەننەن باستاپ, سوتپەن تٶتەنشە جاعداي رەجيمٸن بۇزعانى ٷشٸن 1 965 ادام ەكٸمشٸلٸك جاۋاپكەرشٸلٸككە تارتىلدى, ونىڭ ٸشٸندە 577 قۇقىق بۇزۋشى ەكٸمشٸلٸك قاماۋعا الىندى, 1 054 ادامعا ايىپپۇل سالىندى, 334 ادامعا ەسكەرتۋ جاسالدى. سونداي– اق, بلوكپوستتاردى اينالىپ ٶتٸپ, قالاعا كٸرمەك بولعان 397 ادام ەكٸمشٸلٸك جاۋاپكەرشٸلٸككە تارتىلدى, ولاردىڭ 169-ى قاماۋعا الىندى, 184-نە ايىپپۇل سالىندى, 44 ادامعا ەسكەرتۋ بەرٸلدٸ», - دەدٸ ونلاين بريفينگ بارىسىندا قانات تايمەردەنوۆ.
سونىمەن قاتار ول, قالانىڭ ٸشٸندە ورناتىلعان 41 بەكەتتە 54 مىڭنان استام كٶلٸك تەكسەرٸلگەنٸن اتاپ ٶتتٸ.
