Almatyda qardyń úzdiksiz jaýyp jatqanyna bir táýlikten asty, boljam boiynsha 25 qarasha kúni tústen keiin toqtaý kerek, – dep habarlaidy «Ult aqparat».
Jaýǵan qardyń qalyńdyǵy qalada 8-13 sm, al taýly aýdandarda ol 18 sm jetken.
Qala ákimdiginiń habarlaýynsha, kóktaiǵaqtyń aldyn alý úshin túnimen joldarǵa qum jáne ózge de materialdar sebilgen. Sondai-aq, kósheni qardan tazartý úshin 627 adam men 417 arnaiy tehnika jumyldyrylǵan, onyń 172-si qum sepkish kólik.
«Al tańerteń 508 tehnika men 1788 adam kósheni tazalaýǵa shyqty. Qalanyń joǵarǵy aýdandarynda jaiaý júrginshiler jolyn tazalaýǵa arnaiy tehnikalar jumyldyryldy. Tańǵy kólik keptelisine deiin trotýarlar men qoǵamdyq kóliktiń aialdamasy, jer asty ótkelderiniń shyǵa berisi tazalandy» delingen habarlamada.
