الماتىدا قاردىڭ ٷزدٸكسٸز جاۋىپ جاتقانىنا بٸر تەۋلٸكتەن استى, بولجام بويىنشا 25 قاراشا كٷنٸ تٷستەن كەيٸن توقتاۋ كەرەك, – دەپ حابارلايدى «ۇلت اقپارات».
جاۋعان قاردىڭ قالىڭدىعى قالادا 8-13 سم, ال تاۋلى اۋدانداردا ول 18 سم جەتكەن.
قالا ەكٸمدٸگٸنٸڭ حابارلاۋىنشا, كٶكتايعاقتىڭ الدىن الۋ ٷشٸن تٷنٸمەن جولدارعا قۇم جەنە ٶزگە دە ماتەريالدار سەبٸلگەن. سونداي-اق, كٶشەنٸ قاردان تازارتۋ ٷشٸن 627 ادام مەن 417 ارنايى تەحنيكا جۇمىلدىرىلعان, ونىڭ 172-سٸ قۇم سەپكٸش كٶلٸك.
«ال تاڭەرتەڭ 508 تەحنيكا مەن 1788 ادام كٶشەنٸ تازالاۋعا شىقتى. قالانىڭ جوعارعى اۋداندارىندا جاياۋ جٷرگٸنشٸلەر جولىن تازالاۋعا ارنايى تەحنيكالار جۇمىلدىرىلدى. تاڭعى كٶلٸك كەپتەلٸسٸنە دەيٸن تروتۋارلار مەن قوعامدىق كٶلٸكتٸڭ ايالداماسى, جەر استى ٶتكەلدەرٸنٸڭ شىعا بەرٸسٸ تازالاندى» دەلٸنگەن حابارلامادا.
