ShOB sýbektilerine múliktik ziiandy anyqtaý jónindegi aimaqtyq komissiianyń 2022 jylǵy 20 aqpandaǵy otyrysynda kásipkerlerdiń jalpy somasy 427 mln teńgege 119 ótinimi maquldandy. Onyń ishinde 295,7 mln teńge somaǵa 64 ótinim biýdjet qarajaty esebinen, 131,3 mln teńgege 55 ótinim «Jańa Alataý» qaiyrymdylyq qorynyń qarjysynan óteledi, dep habarlaidy QazAqparat.
Almaty qalasy boiynsha komissiianyń jumysy bastalǵaly beri barlyǵy 1 545,7 mln teńge somaǵa 720 ótinim maquldandy.
Onyń ishinde biýdjet qarajatynan - 793,8 mln teńge somaǵa 345 ótinim, «Jańa Alataý» qory qarjysynan - 751,9 mln teńgege 375 ótinim.
Sonymen qatar, Almaty qalasy aimaqtyq komissiiasynyń bastamasy boiynsha ShOB-qa keltirilgen shyǵyndy óteý tetigine tólemder boiynsha neǵurlym tiimdi nátijege qoljetkizý úshin birqatar ózgerister engizildi.
Máselen, endi jeńildetilgen tásil boiynsha jyljymaityn múlik pen kólikke keltirilgen shyǵyn úshin 10 mln teńgege deiin (buryn 5 mln teńgege deiin); zaqymdalǵan jabdyqqa somasy boiynsha shekteýsiz (buryn 5 mln teńgege deiin) ótemaqy tólenedi.
Sondai-aq, sot saraptamasyn júrgizý úshin jeke advokattardyń qyzmetine zardap shekken kásipkerlerdiń shyǵyndaryn óteý boiynsha ózgerister engizildi (buryn qyzmet ótinish berýshilerdiń esebinen tólengen).
Bul rette shyǵynnyń aldyn ala somasyn quqyq qorǵaý organdary 2022 jylǵy qańtardaǵy jappai tártipsizdik nátijesinde jábirlenýshi dep taný týraly qaýlyda jazyp qoiýǵa tiis (buryn rásim usynymdyq sipatta bolǵan).
