Almatylyq dárigerler koronavirýsqa shaldyqqan 1 myńnan astam naýqastyń jaǵdaiyn turaqtandyrdy. Bul týraly onlain brifing barysynda Almaty qalasy qoǵamdyq densaýlyq basqarmasynyń basshysy Nariman Tabynbaev aitty, dep habarlaidy QazAqparat.
Spiker reanimatologiia jáne anesteziologiia ortalyǵy jumysynyń oń nátijesin atap ótti.
«Búginde dárigerler 1000-nan astam aýyr naýqastyń jaǵdaiyn turaqtandyryp, olardy reanimatsiia bólimshesinen palataǵa kóshirdi. Mysaly, ortasha aýyr jaǵdaidaǵy patsientter sany 2,5 ese — 3 256-dan 1 343 adamǵa deiin tómendedi», - deidi ol.
Qalanyń bas dárigeriniń aitýynsha, Almaty qalasy qoǵamdyq densaýlyq saqtaý basqarmasy kovid bólimshesinde jumys istei alatyn mamandar rezervin jasap, turaqty túrde kadr daiyndaidy.
«Aldyńǵy shepte 1 096 qyzmetker jumys isteidi (onyń ishinde 235 dáriger, 471 medbike, 390 kishi meditsina qyzmetkeri). Búgingi kúni barlyq statsionar bilikti mamandarmen tolyq jasaqtalǵan, biraq josparlanǵan tósek-oryn qoryn paidalanǵan jaǵdaida kadrlarǵa degen qajettilik te artady. Ol úshin búginde mamandardy qaita daiarlaý boiynsha belsendi jumys júrgizilýde. Árine, dáriger-infektsionister, pýlmonologtar, anesteziolog-reanimatologtar jáne epidemiologtar - koronavirýspen kúreste eń suranysqa ie mamandar bolyp qala beredi»,v- dedi Nariman Tabynbaev.
