Foto: Polisia.kz
Almatyda reid barysynda kámeletke tolmaǵan jasóspirimniń túngi ýaqytta oiyn-saýyq mekemesinde júrgeni anyqtalyp, nysannyń qyzmeti ýaqytsha toqtatyldy. Bul týraly Polisia.kz habarlady.
Jetisý aýdandyq politsiia basqarmasynyń málimetinshe, tekseris kezinde zańdy ókilderiniń qaraýynsyz júrgen jasóspirim anyqtalǵan.
Osy derek boiynsha mekeme iesine qatysty Qazaqstan Respýblikasynyń zańnamasyn buzý faktisimen ákimshilik is qozǵaldy. Qaraý nátijesinde ýákiletti organ aiyppul salyp, oiyn-saýyq mekemesiniń jumysyn ýaqytsha toqtatý týraly sheshim qabyldady.
Politsiianyń aitýynsha, mundai jaǵdailarǵa jol berilmeidi jáne mekeme ieleri kámeletke tolmaǵandardyń qaýipsizdigine qatysty talaptardy qatań saqtaýǵa mindetti.
Jetisý aýdandyq politsiia basqarmasynyń bastyǵy Iliias Ómirserikovtiń sózinshe, bul baǵyttaǵy baqylaý júieli túrde jalǵasady.
«Negizgi maqsat – tek quqyq buzýshylyqty anyqtaý emes, túngi ýaqytta jasóspirimderdiń baqylaýsyz qalyp, qaýipke ushyraýyn boldyrmaý», – dedi ol.
Politsiia kámeletke tolmaǵandardy túngi ýaqytta oiyn-saýyq oryndaryna kirgizgeni úshin ákimshilik jaýapkershilik qarastyrylǵanyn eske saldy.
