Almatyda karantin kezinde jumys istegen zańsyz oiyn mekemesi anyqtaldy, dep habarlaidy "Ult aqparat" QR Ulttyq qaýipsizdik komitetiniń baspasóz qyzmetine silteme jasap.
QR Ulttyq qaýipsizdik komitetiniń Almaty qalasy boiynsha departamenti men Sybailas jemqorlyqqa qarsy kúres agenttiginiń Almaty qalasy boiynsha departamenti QR Ulttyq ulanynyń «Búrkit» arnaiy maqsattaǵy bólimshesin tarta otyryp, naýryz aiynan bastap eldegi tótenshe jaǵdai men Almaty qalasyndaǵy karantin rejimi ýaqytynda jumys istegen zańsyz oiyn mekemesi áreketiniń jolyn kesý boiynsha aýqymdy operatsiia ótkizdi.
«Osy jedel-izdestirý is-sharasy sáýirdiń 24-inen 25-ine qaraǵan túni ótkizildiú Vedomstvolardyń qyzmetkerleri qalanyń ortalyǵynda ornalasqan ákimshilik ǵimaratta 30-dan astam kelýshi men personal ustaldy. Qumar oiyny ótetin orynǵa kirý úshin arnaiy ótkizý júiesi áreket etken, ol boiynsha ishke tek turaqty kelýshi ǵana kire alatyn bolǵan. Aýmaǵy 1 000 sharshy metrden asatyn kazino ishinde tintý barysynda poker men amerikalyq rýletkaǵa arnalǵan 6 ústel, kóptegen oiyn kartasy men fishkalar, sondai-aq zańsyz áreketten túsken bir kúndik iri mólsherdegi aqsha tárkilengen», delingen habarlamada.
Zańsyz oiyn mekemesin uiymdastyrý faktisine qatysty QR QK 307-babynyń 2-bóligi boiynsha qylmystyq is qozǵaldy. «Jasyryn kazinoǵa» qatysqan adamdardyń barlyǵyna qatysty tótenshe jaǵdai rejimin buzý faktisi boiynsha ákimshilik hattama toltyrylǵan.
