الماتىدا كارانتين كەزٸندە جۇمىس ٸستەگەن زاڭسىز ويىن مەكەمەسٸ انىقتالدى, دەپ حابارلايدى "ۇلت اقپارات" قر ۇلتتىق قاۋٸپسٸزدٸك كوميتەتٸنٸڭ باسپاسٶز قىزمەتٸنە سٸلتەمە جاساپ.
قر ۇلتتىق قاۋٸپسٸزدٸك كوميتەتٸنٸڭ الماتى قالاسى بويىنشا دەپارتامەنتٸ مەن سىبايلاس جەمقورلىققا قارسى كٷرەس اگەنتتٸگٸنٸڭ الماتى قالاسى بويىنشا دەپارتامەنتٸ قر ۇلتتىق ۇلانىنىڭ «بٷركٸت» ارنايى ماقساتتاعى بٶلٸمشەسٸن تارتا وتىرىپ, ناۋرىز ايىنان باستاپ ەلدەگٸ تٶتەنشە جاعداي مەن الماتى قالاسىنداعى كارانتين رەجيمٸ ۋاقىتىندا جۇمىس ٸستەگەن زاڭسىز ويىن مەكەمەسٸ ەرەكەتٸنٸڭ جولىن كەسۋ بويىنشا اۋقىمدى وپەراتسييا ٶتكٸزدٸ.
«وسى جەدەل-ٸزدەستٸرۋ ٸس-شاراسى سەۋٸردٸڭ 24-ٸنەن 25-ٸنە قاراعان تٷنٸ ٶتكٸزٸلدٸٷ ۆەدومستۆولاردىڭ قىزمەتكەرلەرٸ قالانىڭ ورتالىعىندا ورنالاسقان ەكٸمشٸلٸك عيماراتتا 30-دان استام كەلۋشٸ مەن پەرسونال ۇستالدى. قۇمار ويىنى ٶتەتٸن ورىنعا كٸرۋ ٷشٸن ارنايى ٶتكٸزۋ جٷيەسٸ ەرەكەت ەتكەن, ول بويىنشا ٸشكە تەك تۇراقتى كەلۋشٸ عانا كٸرە الاتىن بولعان. اۋماعى 1 000 شارشى مەتردەن اساتىن كازينو ٸشٸندە تٸنتۋ بارىسىندا پوكەر مەن امەريكالىق رۋلەتكاعا ارنالعان 6 ٷستەل, كٶپتەگەن ويىن كارتاسى مەن فيشكالار, سونداي-اق زاڭسىز ەرەكەتتەن تٷسكەن بٸر كٷندٸك ٸرٸ مٶلشەردەگٸ اقشا تەركٸلەنگەن», دەلٸنگەن حابارلامادا.
زاڭسىز ويىن مەكەمەسٸن ۇيىمداستىرۋ فاكتٸسٸنە قاتىستى قر قك 307-بابىنىڭ 2-بٶلٸگٸ بويىنشا قىلمىستىق ٸس قوزعالدى. «جاسىرىن كازينوعا» قاتىسقان ادامداردىڭ بارلىعىنا قاتىستى تٶتەنشە جاعداي رەجيمٸن بۇزۋ فاكتٸسٸ بويىنشا ەكٸمشٸلٸك حاتتاما تولتىرىلعان.
