Almatyda intim qyzmet kórsetetin erkekterdi tonaýmen ainalysqan qylmystyq top ustaldy, dep habarlaidy QazAqparat.
Politsiia departamentiniń habarlaýynsha, ustalǵan tórt kúdiktiniń bireýi áiel. Olar qalada páter jaldap, intim qyzmet kórsetetin erkekterge qońyraý shalyp, páterge shaqyrǵan. Keiin ony bári jabylyp uryp-soǵyp, aqshasyn, baǵaly zattaryn tartyp alǵan.
«Kúdiktiler qonaqtaryn jalǵa alynǵan páterge shaqyryp otyrǵan. Kúsh kórsetý arqyly olardyń qundy zattaryn: aqsha, uialy telefondar, zergerlik buiymdaryn tartyp alǵan. Qaraqshylar jynystyq qyzmet kórsetetin erkekter politsiiaǵa barmaidy dep oilasa kerek. Olardyń qalada jasaǵan osyndai 4 epizody dáleldendi. Kúdiktilerdiń ekeýi buryn bireýdiń múlikin qoldy etkenderi úshin jaýapqa tartylǵan. Eń jasy úlkeni qyz, ol 27 jasta, qalǵan qatysýshylar 1998, 1999 jáne 2000 jyly týǵandar. Olar Almatyǵa Qazaqstanyń basqa oblystarynan kelgen. Sondai-aq, esh jerde jumys istemeidi. Olar aqshany osyndai qylmystyq jolmen tabýdy sheshken» - deidi Medeý aýdandyq politsiia basqarmasynyń bastyǵy Ulan Ábilqaiyr
Qazir olardyń barlyǵy tergeý izoliatorynda, QR QK 190 babynyń 2-bóligi – qaraqshylyq qylmysy boiynsha aiyptalýshy retinde sot otyrysyn kútýde.
