Almatyda zeinetkerlerdi 1,5 mlrd teńgeden astam qarjyǵa aldaǵan internet-alaiaqtar tobynyń qyzmeti toqtatyldy. Bul týraly qalalyq prokýratýra málimdedi, dep habarlaidy ult.kz.
Tergeý málimetinshe, qylmyskerler ózderin quqyq qorǵaý organdary men qarjy uiymdarynyń qyzmetkerleri retinde tanystyryp, azamattardyń senimine kirgen. Olar jábirlenýshilerdi turǵyn úiin satýǵa jáne qarajattaryn ózderi baqylaýda ustaǵan shottarǵa aýdarýǵa kóndirgen.
Prokýratýranyń deregine sáikes, keltirilgen shyǵyn kólemi 1,5 mlrd teńgeden asqan.
Tergeý barysynda qylmystyq shemany uiymdastyrýshylar men oǵan qatysy bar adamdar anyqtalyp, ustaldy. Olarǵa qatysty Qylmystyq kodekstiń 190-baby 4-bóligi boiynsha qylmystyq is qozǵaldy.
Qazirgi ýaqytta sotqa deiingi tergeý amaldary jalǵasyp jatyr.
