الماتىدا زەينەتكەرلەردٸ 1,5 ملرد تەڭگەدەن استام قارجىعا الداعان ينتەرنەت-الاياقتار توبىنىڭ قىزمەتٸ توقتاتىلدى. بۇل تۋرالى قالالىق پروكۋراتۋرا مەلٸمدەدٸ, دەپ حابارلايدى ult.kz.
تەرگەۋ مەلٸمەتٸنشە, قىلمىسكەرلەر ٶزدەرٸن قۇقىق قورعاۋ ورگاندارى مەن قارجى ۇيىمدارىنىڭ قىزمەتكەرلەرٸ رەتٸندە تانىستىرىپ, ازاماتتاردىڭ سەنٸمٸنە كٸرگەن. ولار جەبٸرلەنۋشٸلەردٸ تۇرعىن ٷيٸن ساتۋعا جەنە قاراجاتتارىن ٶزدەرٸ باقىلاۋدا ۇستاعان شوتتارعا اۋدارۋعا كٶندٸرگەن.
پروكۋراتۋرانىڭ دەرەگٸنە سەيكەس, كەلتٸرٸلگەن شىعىن كٶلەمٸ 1,5 ملرد تەڭگەدەن اسقان.
تەرگەۋ بارىسىندا قىلمىستىق سحەمانى ۇيىمداستىرۋشىلار مەن وعان قاتىسى بار ادامدار انىقتالىپ, ۇستالدى. ولارعا قاتىستى قىلمىستىق كودەكستٸڭ 190-بابى 4-بٶلٸگٸ بويىنشا قىلمىستىق ٸس قوزعالدى.
قازٸرگٸ ۋاقىتتا سوتقا دەيٸنگٸ تەرگەۋ امالدارى جالعاسىپ جاتىر.
