Baqytjan Saǵyntaev Nyundai Trans Auto zaýytynyń qýatyn arttyrý jobasyn iske qosty, dep habarlaidy "Ult aqparat".
Almaty ákimi Instagram-daǵy paraqshasynda investitsiialyq jobalardy iske asyrý nátijesinde jańa jumys oryndary ashylatyny týraly jazdy.
«Nyundai Trans Auto zaýytynyń óndiristik qýatyn arttyrý jobasy iske qosyldy. Shaǵyn tonnaly júk kólikterin dánekerleý, kabinalardy boiap, usaq torapty ádispen jinaityn jańa tsehtyń qurylysyna Astana Motors 4 mlrd teńgeden astam qarjy investitsiialady», - dep jazdy ákim.
Zaýytta kommertsiialyq tehnika, sonyń ishinde kommýnaldyq qyzmet qajettiligine arnalǵan órt sóndirý mashinalary, jolaýshy avtobýstary men reanimobilder shyǵarylady. Búginde munda 238 adam jumys isteidi. Joba júzege asyrylǵannan keiin jumys oryndarynyń sany 350-ge deiin artady. Qazaqstandyq qamtý úlesi 50%-dan asyp, kásiporynnyń eksporttyq áleýeti artady.
Sonymen qatar, Astana Motors avtomobilderdi satatyn zamanaýi kópsalaly ortalyqtyń qurylysyn bastady. Munda 400-den astam jumys orny ashylady.Investitsiia kólemi – 10 mlrd teńge.
