Almatyda «Ǵylym ordasy» respýblikalyq memlekettik kásipornynyń bas direktory para alǵany úshin 4 jylǵa bas bostandyǵynan airyldy.
Bul týraly QR Sybailas jemqorlyqqa qarsy is-qimyl agenttiginen málimdedi, dep habarlaidy QazAqparat.
Is materialdaryna sáikes, QR Bilim jáne ǵylym ministrliginiń Ǵylym komiteti «Ǵylym ordasy» RMK bas direktory B.Tóltaev ǵimarat ishinde túsirilim alańyn jalǵa bergende para alǵan.
Medeý aýdandyq soty 2020 jyldyń 20 shildesinde Tóltaevty 4 jylǵa bas bostandyǵynan aiyrý týraly úkim shyǵardy.
«Onymen birge mekemeniń býhgalterlik esep jáne qarjy-ekonomika qyzmeti bóliminiń bas ekonomisi A.Asylbaev 2 jylǵa sottaldy. Bólimniń bas esepshisi A.Abdýllina 1,6 mln teńge kóleminde aiyppul tóleitin boldy. Bul tulǵalardyń barlyǵyna memlekettik qyzmetke jumysqa turýǵa tyiym salyndy», - dedi QR Sybailas jemqorlyqqa qarsy is-qimyl agenttigi birinshi departamentiniń tergeýshisi Qaisar Barjaqsynov.
Munyń aldynda agenttik atalǵan mekeme bas direktor men qyzmetshileriniń ǵimaratty eshbir kelisimshartsyz jalǵa berýmen ainalysyp júrgenin jariialaǵan bolatyn.
