Khabar/video kadryAlmatyda Gúlmira Satybaldaǵa qatysty basty sot otyrysy bastaldy, - dep habarlaidy Tengrinews.kz tilshisi.
Almatynyń qylmystyq ister jónindegi mamandandyrylǵan aýdanaralyq sotynda Gúlmira Satybaldy men onyń burynǵy júrgizýshisi Mádi Batyrshaevqa qatysty kásipkerdi bopsalaý jáne zańsyz bas bostandyǵynan aiyrý týraly is boiynsha sot talqylaýy bastaldy. Protseste tóraǵalyq etýshi sýdia - Martpek Kákimjanov.
Satybaldy Astanadaǵy mekemeden Almatyǵa jetkizildi, ol ekinshi aiyptalýshymen birge sotqa qatysyp jatyr. Sondai-aq zalda jábirlenýshi kásipker Júnisov pen onyń eki aǵasy bar.
Sot otyrysynyń basynda sýdia qorǵaýshynyń aiyptalýshy men olardyń qorǵaýshylarynyń sýretterin jariialaýǵa tyiym salý týraly ótinishin qanaǵattandyrdy. Aiyptalýshylarǵa quqyqtary aitylyp, odan keiin prokýror aiypty oqydy.
