Almaty qalasyndaǵy Fýrmanov kóshesi Elbasy Nursultan Ábishuly Nazarbaev atyna berildi.
Búgin VI-shi shaqyrylymdaǵy Almaty qalasy máslihatynyń sessiiasy barysynda megapolis turǵyndarynyń kóptegen usynystaryn eskere kelip jáne qalalyq onomastika komissiiasynyń, QR Úkimeti janyndaǵy Respýblikalyq onomastika komissiiasynyń kelisimimen Almatynyń basty kósheleriniń birine Qazaqstan Respýblikasy Tuńǵysh Prezidenti – Elbasy Nursýltan Ábishuly Nazarbaevtyń esimin berý týraly sheshim qabyldandy.
Sessiia barysynda Almaty ákimi onomastikalyq komissiiaǵa qaitalanatyn 112 kósheniń ataýlaryn ózgertý týraly ziialy qaýym ókilderinen, ÚEU-dan, qala turǵyndary men ásirese jastardan megapolistiń basty kósheleriniń biri Fýrmanov kóshesine Elbasy esimin berý jóninde kóptegen usynystar túskenin atap ótti.
«Biz biyl Astananyń 20 jyldyǵyn merekeleimiz. Eger eske alatyn bolsaq, tarihtyń ózi astanany kóshirý týraly Elbasy sheshiminiń barynsha kóregendi ári durys ekenin dáleldedi. Sonyń arqasynda Eýraziia ortalyǵynda jańa zamanaýi qala paida boldy ári elimizdiń iskerlik ortalyǵy retinde Almaty jańa serpinmen dami bastady. Tarihi mańyzy zor sheshim men Prezidenttiń ekonomikalyq reformalary ózara ushtasyp, jeke bastamalardy yntalandyrdy, kásipkerlik rýhty damytty. Búgingi kúni Almaty – óńirlik tartylys kúshi, Ortalyq Aziianyń iri megapolisi», - dedi Baýyrjan Baibek.
Ol Elbasynyń turaqty qoldaýy arqasynda júrgizilgen júieli reformalar barysynda qala ekonomikasynyń 100 ese óskenin, shaǵyn jáne orta biznes qatarynyń 130 ese kóbeigenin aitty. Eger sonaý 90-shy jyldary Almaty IJÓ onnan bir bóligin ǵana berse,búgingi tańda megapolis ekonomikanyń besten bir bóligin qamtamasyz etýde, jalpy elimizdiń munaidan túsetin salyǵynyń tórtten birin berýde, munda shaǵyn jáne orta biznestiń barlyq óniminiń tórtten biri shyǵarylýda.
«Dál osy qalada Elbasynyń bastamasymen Konstitýtsiiany qabyldaý, ulttyq valiýtany engizý, Qarýly Kúshterdi qurý, memlekettik rámizderdi bekitý, Semei poligonyn jabý siqiaty tarihi ister júzege asty. Sondyqtan Almatyda mundai sheshimniń qabyldanýy óte oryndy», - dedi megapolis ákimi.
Aita keterligi, osydan 10 jyl buryn Qazaqstan Prezidenti N. Á. Nazarbaevtyń esimi Iordaniianyń Amman qalasyndaǵy jáne Sheshen Respýblikasynyń Groznyi qalasyndaǵy kóshelerdiń birine berilgen bolatyn. Bulardan ózge, Qazaqstannyń Tuńǵysh Prezidentiniń esimimen Túrkiianyń birneshe qalalarynyń kósheleri atalady, Tatarstan astanasy Qazannnyń magistraldy kóshesine Elbasy esimi berilgen.Qala máslihatynyń depýtaty, «Ahyska» túrik ulttyq ortalyǵynyń prezidenti Ziiatdin Kasanovtyń pikirinshe, elimizdiń Tuńǵysh Prezidenti Nursultan Nazarbaevtyń ómirsheń bastamalary arqasynda Qazaqstan halyqaralyq qoǵamdastyqqa tanymal boldy.
«Prezidenttiń jeke bedeli arqasynda Qazaqstan memleketaralyq daǵdarystardy sheshýde mańyzdy seriktes bolýda. Onyń ústine, Nursultan Ábishuly atom qarýynan óz erkimen bas tartyp, Semei poligonynda synaq jasaýdy múldem toqtatyp, ózin álemde iadrolyq qarýdy taratpaý jáne joiý jóninde barynsha belsendi saiasatker retinde kórsetti. Men áriptesterimniń usynysyn tolyq qoldaimyn jáne Fýrmanov kóshesiniń ataýyn ózgertýdi durys ári zamanaýi sheshim dep esepteimin», - dedi ol.
Óz kezeginde máslihat depýtaty, «Almaty Aqshamy» gazetiniń bas redaktory Qali Sársenbai bul tarihi sheshimdi qala turǵyndarynyń uzaq kútkenin aitty.
«Biz qasietti jerimiz úshin qan tókken ata- babalarymyzdy qadir tutamyz, al zamanaýi ómirde Qazaqstannyń táýelsizdigi úshin kúresken, memlketimizdiń negizin qalaǵan, álemdik arenaǵa Otanymyzdyń atyn shyǵarǵan, árine, Tuńǵysh Prezidentimiz Nursultan Ábishuly. Bizdiń mindetimiz onyń qairatkerligin ulyqtaý, bul - tek qana meniń pikirim emes, gazet redaktsiiasyna kún saiyn kelip túsip jatqan kóptegen qalalyqtardyń izgi nieti. Bul bizdiń táýelsizdikke, memleketimizge, urpaǵymyzǵa degen qurmetimiz», - dedi Qali S.Qala máslihatynyń depýtaty, «Ildash» tatar gýmanitarlyq ortalyǵynyń tóraiymy Nýriia Niiazova qazaqstannyń basty jetistigi turaqtylyq, kelisim, beibitshilik pen dostyq ekenin atap ótti.
«Osynaý ómirlik jetistikterge bizdiń Memleket basshysynyń saliqaly ishki jáne syrtqy saiasaty arqasynda qol jetkizdik. Beibitshilik, kelisim, birlik arqasynda elimiz damydy, halyqtyń turmysy jaqsardy bul týraly Prezident únemi aityp keledi. Bizdiń qalamyz etnikaaralyq kelisim boiynsha Elbasy modeliniń jarqyn úlgisi. Tatýmyz, birge turyp, birge jumys isteimiz. Sonyń arqasynda qalamyz tartymdy bolyp, túrli ult ókilderi men ártúrli dini senimdegi jandar qalamyzǵa kelýde, bilim alýda, eńbek etýde. Olar ózderin barynsha jaily sezinip, bolashaqtaryna batyl qadam jasaýda. Sondyqtan kóshe ataýyn ózgertýdi durys sheshim dep esepteimin», - dedi N.Niiazova.
Osylaisha, Almaty qalasy máslihaty depýtattarynyń biraýyzdan qabyldanǵan sheshimimen Fýrmanov kóshesi Qazaqstan Respýblikasynyń Tuńǵysh Prezidenti – Elbasy Nursultan Ábishuly Nazarbaev atyndaǵy dańǵyl dep ataldy.
Eske salsaq, Almatyda buryndary birin- biri qaitalaityn 100 kósheler ataýy ózgergen bolatyn. Qalaǵa qosylǵan eldi mekenderdi eseptegende megapoliste Abai atynda - 12. M. Áýezov atynda -3, J. Jabaev atynda -13, Qurmanǵazy atynda -6, Tóle bi atynda - 5, Qazybek bi atynda- 3, Áiteke bi atynda -3, Raiymbek batyr atynda -8, Naýryzbai batyr atynda – 4, Qarasai batyr atynda – 8, Baitursynov atynda – 4, S. Seifýllin atynda- 5, Á. Moldaǵulova atynda – 6, M. Mámetova atynda 6 kóshe atalǵan eken.
Almatyda 42 kóshe elimizdiń damýyna úles qosqan qairatkerler esimin ielense, qalǵandary geografiialyq ataýǵa, qazaqstannyń tarihy men mádenietine, dástúrine orai atalǵan eken. Mysaly, Sh.Aitmatov, G.Belger, T.Bigeldinov, E.Serkebaev, Q.Kenjetaev, S.Kalmykov, Q.Myrzaliev, Almaty aportynyń «ákesi» atanǵan E.Redko jáne basqalardyń esmiderin alǵan kósheler paida bolady.
Qalalyqtarǵa esh jaisyzdyq týmaidy. Memlekettik organdar bazada kóshe ataýy ózgertken soń qajetti barlyq anyqtamalardy ETsP-ty paidalanyp elektrondy úkimet por alynyn nemese HQKO-nan birneshe minýt ishinde alýǵa bolady.
.jpeg)