Búgin Almaty qalasynda Eýraziialyq úkimetaralyq keńesiniń kezekti otyrysy ótti. Otyrysqa Eýraziialyq ekonomikalyq odaqqa múshe memleketterdiń úkimet basshylary qatysty.
Is-shara barysynda EAEO sheńberindegi integratsiialyq ózara is-qimyldyń birqatar ózekti máseleleri talqylandy, jumystyń aralyq nátijeleri qorytyndylanyp, uiymnyń odan ári jumysynyń baǵyttary belgilendi.
EAEO-nyń Tsifrly kún tártibin iske asyrý barysyn talqylaý kún tártibiniń túiindi máseleleriniń biri boldy. Qazirgi tańda Eýraziialyq ekonomikalyq komissiiamen birlesip, múshe memleketterdiń úkimetteri 2016 jylǵy jeltoqsan aiynda memleket basshylary bekitken 2025 jylǵa deiin Tsifrly kún tártibin iske asyrýdyń negizgi baǵyttarynyń erejeleri men basymdyqtaryn is júzinde iske asyrýǵa kóshti.
EÚAK sheńberinde premer-ministrlerdiń tapsyramasy boiynsha ázirlengen jáne EAEO-ǵa múshe memleketterdiń aýmaǵynda taýarlardyń ainalymyna baqylaýdy arttyrýǵa baǵyttalǵan EAEO-da taýarlardy sáikestendirý quraldarymen tańbalaý týraly kelisimge qol qoiý ótti.
Otyrysqa qatysýshylar sondai-aq makroekonomikalyq ahýal, EAEO elderinde turaqty ekonomikalyq damýdy qamtamasyz etý jónindegi usynystar, 2017 jyly ózara saýdanyń jaǵdaiy týraly Eýraziialyq ekonomikalyq komissiianyń baiandamalaryn tyńdady.
Buǵan qosa, Komissiia EAEO-daǵy qant naryǵynda qalyptasyp jatqan jaǵdaidy taldaýdyń nátijeleri jáne agroónerkásip kesheni damýynyń birlesken boljamdary, aýyl sharýashylyǵy ónimi, azyq-túlik pen shikizattyń jekelegen túrleri boiynsha EAEO elderiniń suranysy men usynystary teńgerimderi usynyldy.
EÚAK otyrysy sheńberinde EAEO sheńberinen tys aviatsiialyq oqiǵalardy tergeý jónindegi organdy qurý týraly jumysy barysynyń, birqatar Komissiia Alqasy sheshimderiniń kúshin joiý boiynsha Resei men Belarýs taraptary usynystarynyń, EAEO-ǵa múshe memleketterdiń eńbekshilerin zeinetaqymen qamtamasyz etý týraly shartty iske asyrýǵa bailanysty máseleleriniń talqylaýy ótti.
Armeniia, Belarýs, qazaqstan, Qyrǵyzstan, Resei men Ózbekstan premer-ministrleri, Ázirbaijan men Tájikstan delegatsiialary túske deiin Qazaqstan Respýblikasynyń Prezidenti N.Á.Nazarbaevtyń bastamasy boiynsha uiymdastyrylǵan "Jahandaný dáýirindegi tsifrly kún tártibi" atty forýmnyń jumysyna qatysyp, forým barysynda otandyq ekonomikalardy tsifrlandyrý men atalǵan saladaǵy birlesken jobalardy iske asyrý boiynsha yntymaqtastyqty damytý úshin qolaily jaǵdailardy qalyptastyrý máselelerin talqylady.
.jpeg)