بٷگٸن الماتى قالاسىندا ەۋرازييالىق ٷكٸمەتارالىق كەڭەسٸنٸڭ كەزەكتٸ وتىرىسى ٶتتٸ. وتىرىسقا ەۋرازييالىق ەكونوميكالىق وداققا مٷشە مەملەكەتتەردٸڭ ٷكٸمەت باسشىلارى قاتىستى.
ٸس-شارا بارىسىندا ەاەو شەڭبەرٸندەگٸ ينتەگراتسييالىق ٶزارا ٸس-قيمىلدىڭ بٸرقاتار ٶزەكتٸ مەسەلەلەرٸ تالقىلاندى, جۇمىستىڭ ارالىق نەتيجەلەرٸ قورىتىندىلانىپ, ۇيىمنىڭ ودان ەرٸ جۇمىسىنىڭ باعىتتارى بەلگٸلەندٸ.
ەاەو-نىڭ تسيفرلى كٷن تەرتٸبٸن ٸسكە اسىرۋ بارىسىن تالقىلاۋ كٷن تەرتٸبٸنٸڭ تٷيٸندٸ مەسەلەلەرٸنٸڭ بٸرٸ بولدى. قازٸرگٸ تاڭدا ەۋرازييالىق ەكونوميكالىق كوميسسييامەن بٸرلەسٸپ, مٷشە مەملەكەتتەردٸڭ ٷكٸمەتتەرٸ 2016 جىلعى جەلتوقسان ايىندا مەملەكەت باسشىلارى بەكٸتكەن 2025 جىلعا دەيٸن تسيفرلى كٷن تەرتٸبٸن ٸسكە اسىرۋدىڭ نەگٸزگٸ باعىتتارىنىڭ ەرەجەلەرٸ مەن باسىمدىقتارىن ٸس جٷزٸندە ٸسكە اسىرۋعا كٶشتٸ.
ەٷاك شەڭبەرٸندە پرەمەر-مينيسترلەردٸڭ تاپسىراماسى بويىنشا ەزٸرلەنگەن جەنە ەاەو-عا مٷشە مەملەكەتتەردٸڭ اۋماعىندا تاۋارلاردىڭ اينالىمىنا باقىلاۋدى ارتتىرۋعا باعىتتالعان ەاەو-دا تاۋارلاردى سەيكەستەندٸرۋ قۇرالدارىمەن تاڭبالاۋ تۋرالى كەلٸسٸمگە قول قويۋ ٶتتٸ.
وتىرىسقا قاتىسۋشىلار سونداي-اق ماكروەكونوميكالىق احۋال, ەاەو ەلدەرٸندە تۇراقتى ەكونوميكالىق دامۋدى قامتاماسىز ەتۋ جٶنٸندەگٸ ۇسىنىستار, 2017 جىلى ٶزارا ساۋدانىڭ جاعدايى تۋرالى ەۋرازييالىق ەكونوميكالىق كوميسسييانىڭ باياندامالارىن تىڭدادى.
بۇعان قوسا, كوميسسييا ەاەو-داعى قانت نارىعىندا قالىپتاسىپ جاتقان جاعدايدى تالداۋدىڭ نەتيجەلەرٸ جەنە اگروٶنەركەسٸپ كەشەنٸ دامۋىنىڭ بٸرلەسكەن بولجامدارى, اۋىل شارۋاشىلىعى ٶنٸمٸ, ازىق-تٷلٸك پەن شيكٸزاتتىڭ جەكەلەگەن تٷرلەرٸ بويىنشا ەاەو ەلدەرٸنٸڭ سۇرانىسى مەن ۇسىنىستارى تەڭگەرٸمدەرٸ ۇسىنىلدى.
ەٷاك وتىرىسى شەڭبەرٸندە ەاەو شەڭبەرٸنەن تىس اۆياتسييالىق وقيعالاردى تەرگەۋ جٶنٸندەگٸ ورگاندى قۇرۋ تۋرالى جۇمىسى بارىسىنىڭ, بٸرقاتار كوميسسييا القاسى شەشٸمدەرٸنٸڭ كٷشٸن جويۋ بويىنشا رەسەي مەن بەلارۋس تاراپتارى ۇسىنىستارىنىڭ, ەاەو-عا مٷشە مەملەكەتتەردٸڭ ەڭبەكشٸلەرٸن زەينەتاقىمەن قامتاماسىز ەتۋ تۋرالى شارتتى ٸسكە اسىرۋعا بايلانىستى مەسەلەلەرٸنٸڭ تالقىلاۋى ٶتتٸ.
ارمەنييا, بەلارۋس, قازاقستان, قىرعىزستان, رەسەي مەن ٶزبەكستان پرەمەر-مينيسترلەرٸ, ەزٸربايجان مەن تەجٸكستان دەلەگاتسييالارى تٷسكە دەيٸن قازاقستان رەسپۋبليكاسىنىڭ پرەزيدەنتٸ ن.ە.نازارباەۆتىڭ باستاماسى بويىنشا ۇيىمداستىرىلعان "جاھاندانۋ دەۋٸرٸندەگٸ تسيفرلى كٷن تەرتٸبٸ" اتتى فورۋمنىڭ جۇمىسىنا قاتىسىپ, فورۋم بارىسىندا وتاندىق ەكونوميكالاردى تسيفرلاندىرۋ مەن اتالعان سالاداعى بٸرلەسكەن جوبالاردى ٸسكە اسىرۋ بويىنشا ىنتىماقتاستىقتى دامىتۋ ٷشٸن قولايلى جاعدايلاردى قالىپتاستىرۋ مەسەلەلەرٸن تالقىلادى.
.jpeg)