Almatyda túrmege esirtkiniń palaýdyń ishine salyp ótkizbek bolǵan er adam ustaldy, dep habarlaidy "Ult aqparat".
Almaty qalalyq PD baspasóz qyzmetiniń habarlaýynsha, 24 jastaǵy er adam esirtkini palaýdyń ishine jasyryp, túrmege kirgizbek bolǵan. Sot-himiialyq saraptamasynyń qorytyndysyna sáikes, tárkilengen zattyń jalpy salmaǵy 67 gramm bolatyn «gashish» esirtkisi ekeni anyqtaldy.
«Kúdikti SI-18 ǵimaratyna sálemdeme jibergen kezde ustaldy. Osylaisha, ustalǵan adamdarǵa esirtki tapsyrý áreketi toqtatyldy. Jetkizýshi Almaty qalasynda turatyn N.esimdi er adam. Oǵan qatysty QR ÁQbK-niń 296-baby 2 bólimi (esirtki, psihotroptyq zattardy, olardyń analogtaryn, prekýrsorlaryn satý maqsatynsyz zańsyz daiyndaý, óńdeý, iemdený, saqtaý, tasymaldaý) boiynsha sotqa deiingi tergeý júrgizilip jatyr. N. ýaqytsha ustaý izoliatoryna qamaldy», - dedi Almaty qalalyq PD Esirtki biznesine qarsy kúres basqarmasynyń basshysy Erlan Álmaǵambetov.
