الماتىدا تٷرمەگە ەسٸرتكٸنٸڭ پالاۋدىڭ ٸشٸنە سالىپ ٶتكٸزبەك بولعان ەر ادام ۇستالدى, دەپ حابارلايدى "ۇلت اقپارات".
الماتى قالالىق پد باسپاسٶز قىزمەتٸنٸڭ حابارلاۋىنشا, 24 جاستاعى ەر ادام ەسٸرتكٸنٸ پالاۋدىڭ ٸشٸنە جاسىرىپ, تٷرمەگە كٸرگٸزبەك بولعان. سوت-حيمييالىق ساراپتاماسىنىڭ قورىتىندىسىنا سەيكەس, تەركٸلەنگەن زاتتىڭ جالپى سالماعى 67 گرامم بولاتىن «گاشيش» ەسٸرتكٸسٸ ەكەنٸ انىقتالدى.
«كٷدٸكتٸ سي-18 عيماراتىنا سەلەمدەمە جٸبەرگەن كەزدە ۇستالدى. وسىلايشا, ۇستالعان ادامدارعا ەسٸرتكٸ تاپسىرۋ ەرەكەتٸ توقتاتىلدى. جەتكٸزۋشٸ الماتى قالاسىندا تۇراتىن ن.ەسٸمدٸ ەر ادام. وعان قاتىستى قر ەقبك-نٸڭ 296-بابى 2 بٶلٸمٸ (ەسٸرتكٸ, پسيحوتروپتىق زاتتاردى, ولاردىڭ انالوگتارىن, پرەكۋرسورلارىن ساتۋ ماقساتىنسىز زاڭسىز دايىنداۋ, ٶڭدەۋ, يەمدەنۋ, ساقتاۋ, تاسىمالداۋ) بويىنشا سوتقا دەيٸنگٸ تەرگەۋ جٷرگٸزٸلٸپ جاتىر. ن. ۋاقىتشا ۇستاۋ يزولياتورىنا قامالدى», - دەدٸ الماتى قالالىق پد ەسٸرتكٸ بيزنەسٸنە قارسى كٷرەس باسقارماسىنىڭ باسشىسى ەرلان ەلماعامبەتوۆ.
