Almatyda esirtki jarnamalaǵan azamat ustaldy, – dep habarlaidy "Ult Aqparat" Polisia.kz-ke silteme jasap.
Esirtki satýdy jarnamalaityn graffiti sýretti salǵany úshin politseiler 21 jastaǵy jigitti ustady. – “Quqyqtyq tártip” jedel aldyn alý is-sharasy aiasynda Baým toǵaiynyń aýmaǵynda turǵyn úiler men nysandardyń qabyrǵalaryna jazý jazýmen ainalysqan jergilikti turǵyn ustaldy.
Bul jazý tyiym salynǵan zattardy satatyn alańdardyń biriniń mekenjaiy ekeni belgili boldy. Turǵylyqty jerin tintý kezinde graffiti salýǵa arnalǵan trafaretterdiń, boiaýlardyń jáne basqa da quraldardyń birneshe túri tabyldy. Ustalǵan azamattyń áreketinde QR QK-niń 299-1-babynda kózdelgen qylmystyq quqyq buzýshylyqtyń belgileri bar. Atalǵan derek boiynsha sotqa deiingi tergeý amaldary júrgizilip jatyr, – dedi Túrksib aýdandyq politsiia basqarmasynyń bastyǵy Erkin Amantaev.
Aita keteiik, esirtki quraldaryn, psihotroptyq zattardy nemese prekýrsorlaryn nasihattaý nemese zańsyz jarnamalaý úsh jylǵa deiingi merzimge bas bostandyǵynan aiyrýmen jazalanady.
QR QK-niń 201-babyna sáikes ózge aqparat tergeý múddesine orai jariia etilmeidi. QR Konstitýtsiiasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna sai kez kelgen azamat sot sheshimi zańdy kúshine engenge deiin kinásiz dep sanalady.
