Almatyda esirtki zerthanasy joiyldy, - dep habarlaidy Polisia.kz.
Esirtki qylmysymen kúresýshilerdiń habarlamasyna sáikes, qylmystyq áreketti 33 jastaǵy S. esimdi azamat jasaǵan. Onyń Mercedes avtokóligin politsiia qyzmetkerleri Dostyq dańǵyly men Omarova kóshesiniń qiylysynda toqtatty. S. esimdi azamatty jeke tintý jáne avtokólikti tintý kezinde ishinde zaty bar izolentaǵa oralǵan 85 býma tabyldy jáne tárkilendi. Ustalǵan azamat olardy Almaty qalasy men Almaty oblysyna odan ári taratý úshin saqtap qoiǵan. Tárkilengen zattar – mefedron jáne marihýana esirtkisi.
"Kúdikti sintetikalyq shópti ózi jasaǵan. Osy maqsatta ol Almaty oblysy Tuzdybastaý aýylynda jeke turǵyn úidi jalǵa alǵan. Ruqsat etilgen tintý kezinde jalǵa alynǵan turǵyn úiden zerthanalyq jabdyqtar, shyny tostaǵandar men kristaldy zattar salynǵan metall qańyltyrlar, kanistrdegi ártúrli suiyq jáne untaq himiialyq zattar, untaq zattar salynǵan polietilen bailamdar, elektron tarazylar, magnittik aralastyrǵysh jáne 300 qapshyq tabyldy jáne tárkilendi", - delingen habarlamada.
Saraptama qorytyndysyna sáikes, tárkilengen mefedronnyń jalpy salmaǵy 15 keli 200 gram. Jaýap alý kezinde "óndirýshi" laborant pen kýrer jumysy úshin jaqsy jalaqy alǵanyn aitty. Jumys berýshi zerthana úshin baspanany da jalǵa alyp bergen. Derek boiynsha Medeý aýdandyq Politsiia basqarmasy sotaldy tergeý amaldaryn júrgizip jatyr. Qylmystyq is QR QK-niń 297-baby 3-bóligi boiynsha tirkeldi. Kúdikti qamaýǵa alyndy.
