الماتىدا ەسٸرتكٸ زەرتحاناسى جويىلدى, - دەپ حابارلايدى Polisia.kz.
ەسٸرتكٸ قىلمىسىمەن كٷرەسۋشٸلەردٸڭ حابارلاماسىنا سەيكەس, قىلمىستىق ەرەكەتتٸ 33 جاستاعى س. ەسٸمدٸ ازامات جاساعان. ونىڭ Mercedes اۆتوكٶلٸگٸن پوليتسييا قىزمەتكەرلەرٸ دوستىق داڭعىلى مەن وماروۆا كٶشەسٸنٸڭ قيىلىسىندا توقتاتتى. س. ەسٸمدٸ ازاماتتى جەكە تٸنتۋ جەنە اۆتوكٶلٸكتٸ تٸنتۋ كەزٸندە ٸشٸندە زاتى بار يزولەنتاعا ورالعان 85 بۋما تابىلدى جەنە تەركٸلەندٸ. ۇستالعان ازامات ولاردى الماتى قالاسى مەن الماتى وبلىسىنا ودان ەرٸ تاراتۋ ٷشٸن ساقتاپ قويعان. تەركٸلەنگەن زاتتار – مەفەدرون جەنە ماريحۋانا ەسٸرتكٸسٸ.
"كٷدٸكتٸ سينتەتيكالىق شٶپتٸ ٶزٸ جاساعان. وسى ماقساتتا ول الماتى وبلىسى تۇزدىباستاۋ اۋىلىندا جەكە تۇرعىن ٷيدٸ جالعا العان. رۇقسات ەتٸلگەن تٸنتۋ كەزٸندە جالعا الىنعان تۇرعىن ٷيدەن زەرتحانالىق جابدىقتار, شىنى توستاعاندار مەن كريستالدى زاتتار سالىنعان مەتالل قاڭىلتىرلار, كانيستردەگٸ ەرتٷرلٸ سۇيىق جەنە ۇنتاق حيمييالىق زاتتار, ۇنتاق زاتتار سالىنعان پوليەتيلەن بايلامدار, ەلەكترون تارازىلار, ماگنيتتٸك ارالاستىرعىش جەنە 300 قاپشىق تابىلدى جەنە تەركٸلەندٸ", - دەلٸنگەن حابارلامادا.
ساراپتاما قورىتىندىسىنا سەيكەس, تەركٸلەنگەن مەفەدروننىڭ جالپى سالماعى 15 كەلٸ 200 گرام. جاۋاپ الۋ كەزٸندە "ٶندٸرۋشٸ" لابورانت پەن كۋرەر جۇمىسى ٷشٸن جاقسى جالاقى العانىن ايتتى. جۇمىس بەرۋشٸ زەرتحانا ٷشٸن باسپانانى دا جالعا الىپ بەرگەن. دەرەك بويىنشا مەدەۋ اۋداندىق پوليتسييا باسقارماسى سوتالدى تەرگەۋ امالدارىن جٷرگٸزٸپ جاتىر. قىلمىستىق ٸس قر قك-نٸڭ 297-بابى 3-بٶلٸگٸ بويىنشا تٸركەلدٸ. كٷدٸكتٸ قاماۋعا الىندى.
