Foto: Videodan alynǵan skrin
Almatyda esirtki saýdasymen ainalysqan uiymdasqan toptyń áreketi toqtatyldy. Kúdiktilerdiń bir-birine týys úsh azamat ekeni anyqtaldy, dep habarlaidy Ult.kz.
Qalalyq politsiia departamentiniń málimetinshe, jedel-izdestirý sharalary barysynda olardyń zańsyz esirtki ainalymymen ainalysqany belgili bolǵan. Tergeý derekterine sáikes, kúdiktiler ózara mindetterdi bólisip, uiymdasqan túrde áreket etken.
Tintý kezinde kúdiktilerden sintetikalyq jáne ósimdik tektes esirtki zattary salynǵan túiinshekter tárkilendi. Sonymen qatar esirtkini ólshep, oraýǵa arnalǵan elektrondy tarazylar, qaptama materialdary jáne satýǵa qajetti basqa da quraldar tabylǵan.
Politsiianyń habarlaýynsha, tárkilengen esirtki kólemi asa iri mólsherge jatady. Barlyq zat sot saraptamasyna jiberildi.
Sondai-aq tártip saqshylary Almaty aýmaǵynda esirtki jasyrý úshin aldyn ala daiyndalǵan birneshe jasyryn oryndy anyqtady.
