Almatydaǵy tanymal meiramhana aspazdary esirtki saýdasymen ainalysqan. Bul týraly qalalyq Politsiia departamenti málim etti, dep habarlaidy QazAqparat.
«Birneshe apta jedel aqparatty tekserdik. Kúdiktilerdiń qylmystyq áreketi rastaldy. «Gashish» satqan elitalyq meiramhanalardyń biriniń aspazy 1973 jyly týǵan M. esimdi azamat jumys ornynda ustaldy. Sondai-aq, kúdiktiniń turǵylyqty jerin tintý barysynda eki sirińke qorapshasynan jáne syǵymdalǵan gashish salynǵan dóńgelek býmadan esirtki zaty tabyldy», - dedi Almaty qalasy PD Esirtki qylmysyna qarsy kúres basqarmasy bastyǵynyń orynbasary Saǵyndyq Aiaǵanov.
Sonymen qatar tekserý barysynda esirtki satýmen ainalysqan 42 jastaǵy aspaz-áiel anyqtaldy. D. esimdi azamatshanyń úiinen untaq zat salynǵan paket tabyldy, onyń shynaiy esirtki ekeni sot-himiialyq saraptama arqyly dáleldendi.
Eki derek boiynsha QR QK-niń 297-baby 1-bólimine sai qylmystyq is qozǵaldy.
