QR Mádeniet qairatkeri, Jazýshylar odaǵynyń múshesi, kompozitor, ánshi, akter, qalamger Ermurat Zeiiphan biyl tiri bolsa erdiń jasy 50-ge keler edi. Marqumnyń artyna qaldyrǵan rýhani murasyn keńirek nasihattaý maqsatynda 2016 jyldyń 07 jeltoqsanynda keshki saǵat 18.00-de Almatydaǵy M. Áýezov atyndaǵy Qazaq memlekettik akademiialyq drama teatrynda «Eki dúniede jalǵyzym – Qazaqstan» atty eske alý keshi ótedi. Bul keshte Ermurat Zeiiphanulynyń tańdaýly ánderin belgili óner juldyzdary oryndaiy, sondai-aq, aqyn óleńderinen sahnalyq kompozitsiia qoiylady.
Osy sharaǵa orai 2016 jyldyń 5 jeltoqsanynda saǵat 12.00-de Qazaqstan Jazýshylar odaǵynda Ermurat Zeiiphannyń 50 jyldyq mereitoiyna arnalǵan baǵdarlamalardy, qolǵa alynyp jatqan sharýalardy elge jetkizý maqsatynda arnaiy press-konferentsiia ótedi. Onda san qyrly talant iesiniń ómir joly men shyǵarmashylyǵy jóninde jyly estelikter men naqty sharalar týraly habarlanady. Ári «Dúnie ǵapyl» atty tolyq shyǵarmalar jinaǵynyń tusaýkeseri ótedi.
Ermurat Zeiiphan(1966-2011) – 1966 jyly QHR-dyń Ile aimaǵy Kúnes aýdanynda dúniege kelgen. 1985-89 jyldary Ile oblystyq kórkemóner kolledjinde vokal boiynsha bitirgen. 1991 jyly Atamekenge oralyp, T. Júrgenov atyndaǵy Óner akademiiasynda akterlik mamandyǵynda oqidy. Sodan keiin Abai atyndaǵy opera jáne balet teatrynda, M. Áýezov atyndaǵy Qazaq memlekettik akademiialyq drama teatrynda akter retinde qabyldanyp, san túrli obrazdardy somdaǵan.
2000 jyldan ómiriniń sońyna deiin QR Qorǵanys ministrliginiń Ortalyq ansamblinde negizgi ánshi ári folklor bóliminiń kórkemdik jetekshisi qyzmetin atqardy. Sonymen qatar, Dúniejúzi Qazaqtary qaýymdastyǵynyń mádeni ortalyǵyn basqardy. Almaty qalalaqy Qyzdar pedagogikalyq institýtynda sabaq berdi.
«Kók týdyń jelbiregeni», «Kúnes-ai», «Dúnieǵapyl», «Táńirim-Táńirtaýym», «Sábiler-ai», «Eki dúniede jalǵyzym – Qazaqstan», «Kenesary», «Shyryn-ai», «Janar qyz» sekildi 70-ke jýyq ánniń avtory.
Onyń «Ózińe arnadys», «Bu dúnie», «Úshbýyryl» atty jyr jinaqtary, «Sybyzǵy saryny» atty prozalyq kitaby jaryq kórgen.
1993 jyly 14 naýryz Almaty qalasynda ótken sazgerler men ánshilerdiń respýblikalyq «Úkili úmit» baiqaýynda bas júldeni, 1994 jyly Almaty qalasynda ótken Kúlásh Baiseiitova atyndaǵy 5-respýblikalyq ánshiler konkýrsynyń laýreaty, 1999 jyly 13 qarashada Almatyda Áset Beiseýov atyndaǵy «Armandastar» atty respýblikalyq baiqaýdyń laýreaty jáne 1-júldesin, 2001 jyly qarashada «Juldyz» jýrnalynyń Artyǵali Ybyraev atyndaǵy jyr múshairasynyń arnaiy júldesin, 2004 jyly respýblikalyq «Edil-Jaiyq» atty avtorlyq keshke qatysyp, joǵary alǵys qurmetin, 2005 jyly 28 qyrkúiekte dúniejúzi qazaqtarynyń 3-quryltaiyna arnalǵan halyqaralyq jyr múshairasynyń júldegeri qatarly syilyqtardy enshilegen.
Qorǵanys ministrligi Ortalyq ansamblindegi qajyrly eńbegi úshin maior ataǵyn alǵan. QR Mádeniet qairatkeri.
