قر مەدەنيەت قايراتكەرٸ, جازۋشىلار وداعىنىڭ مٷشەسٸ, كومپوزيتور, ەنشٸ, اكتەر, قالامگەر ەرمۇرات زەيٸپحان بيىل تٸرٸ بولسا ەردٸڭ جاسى 50-گە كەلەر ەدٸ. مارقۇمنىڭ ارتىنا قالدىرعان رۋحاني مۇراسىن كەڭٸرەك ناسيحاتتاۋ ماقساتىندا 2016 جىلدىڭ 07 جەلتوقسانىندا كەشكٸ ساعات 18.00-دە الماتىداعى م. ەۋەزوۆ اتىنداعى قازاق مەملەكەتتٸك اكادەمييالىق دراما تەاترىندا «ەكٸ دٷنيەدە جالعىزىم – قازاقستان» اتتى ەسكە الۋ كەشٸ ٶتەدٸ. بۇل كەشتە ەرمۇرات زەيٸپحانۇلىنىڭ تاڭداۋلى ەندەرٸن بەلگٸلٸ ٶنەر جۇلدىزدارى ورىندايى, سونداي-اق, اقىن ٶلەڭدەرٸنەن ساحنالىق كومپوزيتسييا قويىلادى.
وسى شاراعا وراي 2016 جىلدىڭ 5 جەلتوقسانىندا ساعات 12.00-دە قازاقستان جازۋشىلار وداعىندا ەرمۇرات زەيٸپحاننىڭ 50 جىلدىق مەرەيتويىنا ارنالعان باعدارلامالاردى, قولعا الىنىپ جاتقان شارۋالاردى ەلگە جەتكٸزۋ ماقساتىندا ارنايى پرەسس-كونفەرەنتسييا ٶتەدٸ. وندا سان قىرلى تالانت يەسٸنٸڭ ٶمٸر جولى مەن شىعارماشىلىعى جٶنٸندە جىلى ەستەلٸكتەر مەن ناقتى شارالار تۋرالى حابارلانادى. ەرٸ «دٷنيە عاپىل» اتتى تولىق شىعارمالار جيناعىنىڭ تۇساۋكەسەرٸ ٶتەدٸ.
ەرمۇرات زەيٸپحان(1966-2011) – 1966 جىلى قحر-دىڭ ٸلە ايماعى كٷنەس اۋدانىندا دٷنيەگە كەلگەن. 1985-89 جىلدارى ٸلە وبلىستىق كٶركەمٶنەر كوللەدجٸندە ۆوكال بويىنشا بٸتٸرگەن. 1991 جىلى اتامەكەنگە ورالىپ, ت. جٷرگەنوۆ اتىنداعى ٶنەر اكادەميياسىندا اكتەرلٸك ماماندىعىندا وقيدى. سودان كەيٸن اباي اتىنداعى وپەرا جەنە بالەت تەاترىندا, م. ەۋەزوۆ اتىنداعى قازاق مەملەكەتتٸك اكادەمييالىق دراما تەاترىندا اكتەر رەتٸندە قابىلدانىپ, سان تٷرلٸ وبرازداردى سومداعان.
2000 جىلدان ٶمٸرٸنٸڭ سوڭىنا دەيٸن قر قورعانىس مينيسترلٸگٸنٸڭ ورتالىق انسامبلٸندە نەگٸزگٸ ەنشٸ ەرٸ فولكلور بٶلٸمٸنٸڭ كٶركەمدٸك جەتەكشٸسٸ قىزمەتٸن اتقاردى. سونىمەن قاتار, دٷنيەجٷزٸ قازاقتارى قاۋىمداستىعىنىڭ مەدەني ورتالىعىن باسقاردى. الماتى قالالاقى قىزدار پەداگوگيكالىق ينستيتۋتىندا ساباق بەردٸ.
«كٶك تۋدىڭ جەلبٸرەگەنٸ», «كٷنەس-اي», «دٷنيەعاپىل», «تەڭٸرٸم-تەڭٸرتاۋىم», «سەبيلەر-اي», «ەكٸ دٷنيەدە جالعىزىم – قازاقستان», «كەنەسارى», «شىرىن-اي», «جانار قىز» سەكٸلدٸ 70-كە جۋىق ەننٸڭ اۆتورى.
ونىڭ «ٶزٸڭە ارنادىس», «بۇ دٷنيە», «ٷشبۋىرىل» اتتى جىر جيناقتارى, «سىبىزعى سارىنى» اتتى پروزالىق كٸتابى جارىق كٶرگەن.
1993 جىلى 14 ناۋرىز الماتى قالاسىندا ٶتكەن سازگەرلەر مەن ەنشٸلەردٸڭ رەسپۋبليكالىق «ٷكٸلٸ ٷمٸت» بايقاۋىندا باس جٷلدەنٸ, 1994 جىلى الماتى قالاسىندا ٶتكەن كٷلەش بايسەيٸتوۆا اتىنداعى 5-رەسپۋبليكالىق ەنشٸلەر كونكۋرسىنىڭ لاۋرەاتى, 1999 جىلى 13 قاراشادا الماتىدا ەسەت بەيسەۋوۆ اتىنداعى «ارمانداستار» اتتى رەسپۋبليكالىق بايقاۋدىڭ لاۋرەاتى جەنە 1-جٷلدەسٸن, 2001 جىلى قاراشادا «جۇلدىز» جۋرنالىنىڭ ارتىعالي ىبىراەۆ اتىنداعى جىر مٷشايراسىنىڭ ارنايى جٷلدەسٸن, 2004 جىلى رەسپۋبليكالىق «ەدٸل-جايىق» اتتى اۆتورلىق كەشكە قاتىسىپ, جوعارى العىس قۇرمەتٸن, 2005 جىلى 28 قىركٷيەكتە دٷنيەجٷزٸ قازاقتارىنىڭ 3-قۇرىلتايىنا ارنالعان حالىقارالىق جىر مٷشايراسىنىڭ جٷلدەگەرٸ قاتارلى سىيلىقتاردى ەنشٸلەگەن.
قورعانىس مينيسترلٸگٸ ورتالىق انسامبلٸندەگٸ قاجىرلى ەڭبەگٸ ٷشٸن مايور اتاعىن العان. قر مەدەنيەت قايراتكەرٸ.
