Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty «Prezidenttiń týystaryn tanymaimyn»: Botagóz Omarova isine qatysty «VD Stroy Engineering» kompaniiasy basshysy suqbat berdi «Prezidenttiń týystaryn tanymaimyn»: Botagóz Omarova isine qatysty «VD Stroy Engineering» kompaniiasy basshysy suqbat berdi
Aimaq

Almatyda er adam kólik urlap, jol apatyna tústi. Bir adam qaza tapty

Ult portaly
Almatyda er adam kólik urlap, jol apatyna tústi. Bir adam qaza tapty


Almatyda mas kúidegi er adam kólik urlap, jol apatyna tústi, saldarynan bir jolaýshy qaza boldy, - dep habarlaidy Tengrinews.kz tilshisi Polisia.kz saityna silteme jasap.

Oqiǵa kóshedegi beinebaqylaý kameralaryna túsip qalǵan. Hmelnitskii men Gete kósheleri qiylysynda Toyota Land Cruiser Prado men Jeep Grand Cherokee soqtyǵysqan.

"102" pýltine Toyota Land Cruiser Prado kóliginiń urlanǵany týraly aqparat kelip tústi. Júrgizýshi kóligin Seifýllin dańǵyly boiyna qoiǵanyn habarlady. Jedel-izdestirý sharalary barysynda kúdiktiniń jeke basy anyqtaldy. Ol 20 jastaǵy A. esimdi shahar turǵyny bolyp shyqty", - dedi Almaty qalalyq PD Kriminaldyq politsiia basqarmasynyń bastyǵy Qýatbek Naýatov.

Kameralardan urlanǵan kólik asqan jyldamdyqpen júrgeni anyq kórinedi.

"Apat saldarynan Grand Cherokee kóligindegi 19 jastaǵy jolaýshy aýrýhanada qaza boldy, al júrgizýshi áli aýyr halde jansaqtaý bóliminde jatyr. Toyota júrgizýshisi jol apatynan keiin oqiǵa ornynan qashyp ketken. Ol mas bolǵany anyqtaldy", - dedi Qýatbek Naýatov.

Qazirgi ýaqytta ustalǵan azamatqa qatysty qylmystyq áreketti qujattandyrý sharalary júrgizilip jatyr. Qylmystyq is birden Qylmystyq kodekstiń úsh baby QR QK-niń 345-baby 3-bóligi, QR QK-niń 347-baby jáne QR QK-niń 200-baby 3-bóligi boiynsha tergelip jatyr. Er adam ýaqytsha ustaý izoliatoryna qamalǵan. Ol buryn eki ret sotty bolǵan eken.

Oqi otyryńyz