Almatyda koronavirýsqa bailanysty epidemiologiialyq ahýal shielenise tústi. Osyǵan bailanysty qalalyq bas sanitarlyq dáriger Jandarbek Bekshin turǵyndarǵa úndeý joldady, dep habarlaidy "Ult aqparat".
Almaty qalasy Taýarlar men kórsetiletin qyzmetterdiń sapasy men qaýipsizdigin baqylaý departamentiniń málimetinshe, 23 qazandaǵy jaǵdai boiynsha, búginge deiin megapoliste jalpy koronavirýs infektsiiasynyń 14607 oqiǵasy tirkelgen, onyń 8762 - simptomdy, 5845 - simptomsyz.
«Sońǵy táýlikte COVID-19-dyń 44 jaǵdaiy jáne anyqtalmaǵan pnevmoniianyń 5 jaǵdaiy tirkeldi. Táýliktik ósim - 0,3%, juqtyrý koeffitsienti – 1,37 bop tur. Osy aptada KVI deńgeii birinshi aptanyń deńgeiinen 9 ese asyp tústi. Qaladaǵy jaǵdai shielenise túsýde jáne aýrýshańdyqtyń ósip kele jatqany baiqalyp keledi», - dedi Jandarbek Bekshin.
Jalpy, álemdegi epidemiialyq jaǵdai nasharlap bara jatqany atap ótildi.
Mysaly, Reseide kúnine 12 myńnan astam jaǵdai tirkeledi. Eýropa men Amerika aimaǵynda da osyndai jaǵdai. AQSh-ta táýligine shamamen 60 myń jaǵdai, Frantsiiada - 30 myń, Ulybritaniiada – 14 myń, Ispaniiada, Germaniia jáne Italiiada 5-15 myń jaǵdaidan tirkelip otyr.
