Almatyda Elbasy kitaphanasynyń «Elbasy. Jastar. Jasampazdyq» kóshpeli aqparattyq-imidjdik jobasynyń ashylý saltanaty ótedi. Joba ataýy N.Á. Nazarbaevtyń 2019 jyldy «Jastar jyly» dep jariialaýymen tyǵyz bailanysty, dep habarlaidy Almaty.tv tilshisi.
«Elbasy. Jastar. Jasampazdyq» jyljymaly aqparattyq-imidjdik jobasy Elbasynyń jasampaz, shyǵarmashyl ideialary men bastamalaryn dáripteýge, qalyń jurtshylyqqa biregei qordy kórsetýge jáne nasihattaýǵa, ekskýrsiialardy uiymdastyrýdyń ádisterin damytýǵa, sonymen qatar, Qazaqstan Respýblikasynyń Tuńǵysh Prezidenti N.Á. Nazarbaevtyń ómiri men qyzmetin tanystyrýǵa baǵyttalǵan», - delingen Elbasy kitaphanasy baspasóz qyzmetinde.
Joba tusaýkeserinde QR Memlekettik kúzetiniń Prezidenttik orkestri arnaiy daiyndaǵan plats-kontserttik baǵdaralamamen ónerin pash etedi. Al QR Memlekettik kúzeti qyzmeti Qurmet qaraýylynyń rotasy jurtshylyqtyń nazaryna áskeri defilesin usynbaq.
Atalmysh shara, 23 mamyrda saǵat 10.00-de ál-Farabi atyndaǵy Qazaq ulttyq ýniversitetinde ótedi.
.jpeg)