Foto: IIM
Almatyda birge turǵan áielin pyshaqtap óltirdi dep aiyptalǵan burynǵy politsiia qyzmetkerine qatysty sot jalǵasyp jatyr. Oqiǵa 2025 jyldyń mamyrynda turǵyn úi kesheninde bolǵan, dep habarlaidy Ult.kz.
Tergeý málimetinshe, janjal kezinde er adam áielge pyshaq jaraqatyn salyp, ol oqiǵa ornynda kóz jumǵan. Keiin kúdikti ózine qol jumsamaq bolǵanymen, aman qalǵan.
Sottalýshyǵa «asa qatygezdikpen adam óltirý» baby boiynsha aiyp taǵylǵan. Alaida sarapshylar onyń qylmys kezinde affekt jaǵdaiynda bolǵanyn málimdedi. Bul is jeńilirek bapqa aýystyrylyp, jaza qysqarýy múmkin.
Jábirlenýshi tarap bul qorytyndymen kelispeidi. Olardyń aitýynsha, buryn politsiiada qyzmet etken adam mundai jaǵdaidy ádeii qoldan jasaýy yqtimal.
Marqumnyń týystary úsh balanyń jetim qalǵanyn aityp, qatań jaza talap etýde.
