Almatyda «Toyota Caldina» men «Mercedes-Benz» avtokólikteri soqtyǵysyp, júrgizýshilerdiń biri oqiǵa ornynda kóz jumdy, dep habarlaidy "Ult aqparat".
Jantúrshigerlik jol apatynan video áleýmettik jelilerde paida boldy.
Almaty qalalyq Politsiia departamenti baspasóz qyzmetiniń málimetinshe, oqiǵa búgin saǵat 15: 30-da Shyǵys ainalma jolynda bolǵan.
«Mercedes» avtokóliginiń júrgizýshisi 1990 jyly týǵan azamat D. Shyǵys ainalma jolynda Sahariev kóshesiniń soltústik jaǵynda «Toyota Caldina» avtokóligimen soqtyǵysty. Apat saldarynan «Mercedes-Benz» júrgizýshisi oqiǵa ornynda kóz jumdy. Atalǵan fakti sotqa deiingi tergeýdiń biryńǵai tizilimine QR QK-niń 345-baby 3-bóligi boiynsha tirkeldi. Tiisti saraptamalar taǵaiyndaldy», - dep habarlady politsiiadan.
