Almatyda eki jolaýshy avtobýsy soqtyǵysty, dep habarlaidy "Ult aqparat".
Apattyń videosy áleýmettik jelide tarady.
Almaty qalalyq Politsiia departamentiniń málimetinshe, jol apaty 28 sáýirde saǵat 15:30-dar shamasynda bolǵan.
«Yutong» markaly avtobýstyń júrgizýshisi Y. Altynsarin kóshesimen ońtústik baǵytta kele jatyp, araqashyqtyqty saqtamai «LiAZ» avtobýsymen soqtyǵysty. Jol-kólik oqiǵasynan eshkim zardap shekken joq. Atalǵan derekti Áýezov aýdandyq politsiia basqarmasy tekseredi», - dedi Almaty qalasy Politsiia departamentiniń anyqtaý basqarmasynyń bastyǵy Oljas Sháripov.
