Ulttyq kitaphanada «Ushqynnan bastalǵan Egemen Qazaqstan» atty ǵylymi konferentsiia ótti. Onda respýblikalyq basylymnyń tarihy men keleshegi baiandaldy, dep habarlaidy QazAqparat.
«Egemen Qazaqstan» respýblikalyq qoǵamdyq gazeti — elimizdegi eń erte jaryqqa shyqqan jáne eń tanymal basylymdardyń biri. Gazettiń alǵashqy nómiri 1919 jyly Orynbor qalasynda «Ushqyn» ataýymen jaryq kórdi. Basylym biyl respýblika kóleminde 100 jyldyǵyn atap ótýde.
Almatydaǵy aýqymdy sharaǵa «Egemen Qazaqstan» gazetiniń ardagerleri, belgili qoǵam qairatkerleri, ǵalymdar, jýrnalister men qala biligi ókilderi qatysty.
«Ushqynnan bastalǵan Egemen Qazaqstan» atty ǵylymi konferentsiiada Almaty qalasynyń ákimi Baqytjan Saǵyntaev basylymdy mereitoiymen quttyqtady.
«Qurmetti qalamger qaýym, barshańyzdy elimizdiń árbir azamatyna etene tanys, respýblikadaǵy mańdaialdy basylym — «Egemen Qazaqstan» gazetiniń 100 jyldyq mereitoiymen shyn júrekten quttyqtaimyn! Ǵasyrlyq tarihy bar bul gazetti qolyna ustaǵan kez kelgen jan mundaǵy árbir aqparattyń shynaiylyǵyna, kótergen taqyryptyń mańyzdylyǵyna kámil senedi. Sebebi, gazettiń kásibi deńgeii, ustanǵan baǵyty eshqashan ózgergen emes. Álem men qoǵam, saiasat pen ekonomika, ádebiet pen mádeniet, sport pen týrizm aidarlary boiynsha tyń aqparat taratqan basylym paraqtarynda jańashyldyq pen urpaqtar sabaqtastyǵynyń izi sairap jatyr», - dedi Baqytjan Saǵyntaev.
Sharaǵa jinalǵan qaýym, basylymnyń tarihy men keleshegin baiandady.
«Egemen Qazaqstan» — shyqqanyna 100 jyl tolǵan, HH ǵasyrdyń basynda ulttyń joǵyn joqtaǵan Alash arystary qyzmet etken basylym. Bul gazette Smaǵul Sádýaqasov, Júsipbek Aimaýytov, Beiimbet Mailin, Sáken Seifýllin, Muhtar Áýezov, Turar Rysqulov, Oraz Jandosov siiaqty tulǵalar eńbek etti. Sondyqtan bul — ulttyń toiy, halyqttyń toiy, rýhani keńistigimizde bolyp jatqan uly oqiǵalardyń biri. Toi qutty bolsyn!» - dedi jazýshy Nurlan Orazalin
Ǵylymi konferentsiia barysynda gazettiń birqatar ardagerleri «Almatyǵa sińirgen eńbegi úshin» medalimen jáne Almaty qalasy ákiminiń alǵys hatymen marapattaldy.
Sonymen qatar, QR Ulttyq kitaphanasynyń qorynan 1919-2019 jyldar aralyǵyn qamtityn «100 jyl — 100 gazet» atty keń kólemdi kórme uiymdastyryldy.
Buǵan deiin, Almatyda «Egemen Qazaqstan» basylymynyń qurmetine eskertkish taqta ornatylǵanyn jazǵan bolatynbyz.
