ۇلتتىق كٸتاپحانادا «ۇشقىننان باستالعان Egemen Qazaqstan» اتتى عىلىمي كونفەرەنتسييا ٶتتٸ. وندا رەسپۋبليكالىق باسىلىمنىڭ تاريحى مەن كەلەشەگٸ باياندالدى, دەپ حابارلايدى قازاقپارات.
«Egemen Qazaqstan» رەسپۋبليكالىق قوعامدىق گازەتٸ — ەلٸمٸزدەگٸ ەڭ ەرتە جارىققا شىققان جەنە ەڭ تانىمال باسىلىمداردىڭ بٸرٸ. گازەتتٸڭ العاشقى نٶمٸرٸ 1919 جىلى ورىنبور قالاسىندا «ۇشقىن» اتاۋىمەن جارىق كٶردٸ. باسىلىم بيىل رەسپۋبليكا كٶلەمٸندە 100 جىلدىعىن اتاپ ٶتۋدە.
الماتىداعى اۋقىمدى شاراعا «Egemen Qazaqstan» گازەتٸنٸڭ ارداگەرلەرٸ, بەلگٸلٸ قوعام قايراتكەرلەرٸ, عالىمدار, جۋرناليستەر مەن قالا بيلٸگٸ ٶكٸلدەرٸ قاتىستى.
«ۇشقىننان باستالعان Egemen Qazaqstan» اتتى عىلىمي كونفەرەنتسييادا الماتى قالاسىنىڭ ەكٸمٸ باقىتجان ساعىنتاەۆ باسىلىمدى مەرەيتويىمەن قۇتتىقتادى.
«قۇرمەتتٸ قالامگەر قاۋىم, بارشاڭىزدى ەلٸمٸزدٸڭ ەربٸر ازاماتىنا ەتەنە تانىس, رەسپۋبليكاداعى ماڭدايالدى باسىلىم — «Egemen Qazaqstan» گازەتٸنٸڭ 100 جىلدىق مەرەيتويىمەن شىن جٷرەكتەن قۇتتىقتايمىن! عاسىرلىق تاريحى بار بۇل گازەتتٸ قولىنا ۇستاعان كەز كەلگەن جان مۇنداعى ەربٸر اقپاراتتىڭ شىنايىلىعىنا, كٶتەرگەن تاقىرىپتىڭ ماڭىزدىلىعىنا كەمٸل سەنەدٸ. سەبەبٸ, گازەتتٸڭ كەسٸبي دەڭگەيٸ, ۇستانعان باعىتى ەشقاشان ٶزگەرگەن ەمەس. ەلەم مەن قوعام, ساياسات پەن ەكونوميكا, ەدەبيەت پەن مەدەنيەت, سپورت پەن تۋريزم ايدارلارى بويىنشا تىڭ اقپارات تاراتقان باسىلىم پاراقتارىندا جاڭاشىلدىق پەن ۇرپاقتار ساباقتاستىعىنىڭ ٸزٸ سايراپ جاتىر», - دەدٸ باقىتجان ساعىنتاەۆ.
شاراعا جينالعان قاۋىم, باسىلىمنىڭ تاريحى مەن كەلەشەگٸن باياندادى.
«Egemen Qazaqstan» — شىققانىنا 100 جىل تولعان, حح عاسىردىڭ باسىندا ۇلتتىڭ جوعىن جوقتاعان الاش ارىستارى قىزمەت ەتكەن باسىلىم. بۇل گازەتتە سماعۇل سەدۋاقاسوۆ, جٷسٸپبەك ايماۋىتوۆ, بەيٸمبەت مايلين, سەكەن سەيفۋللين, مۇحتار ەۋەزوۆ, تۇرار رىسقۇلوۆ, وراز جاندوسوۆ سيياقتى تۇلعالار ەڭبەك ەتتٸ. سوندىقتان بۇل — ۇلتتىڭ تويى, حالىقتتىڭ تويى, رۋحاني كەڭٸستٸگٸمٸزدە بولىپ جاتقان ۇلى وقيعالاردىڭ بٸرٸ. توي قۇتتى بولسىن!» - دەدٸ جازۋشى نۇرلان ورازالين
عىلىمي كونفەرەنتسييا بارىسىندا گازەتتٸڭ بٸرقاتار ارداگەرلەرٸ «الماتىعا سٸڭٸرگەن ەڭبەگٸ ٷشٸن» مەدالٸمەن جەنە الماتى قالاسى ەكٸمٸنٸڭ العىس حاتىمەن ماراپاتتالدى.
سونىمەن قاتار, قر ۇلتتىق كٸتاپحاناسىنىڭ قورىنان 1919-2019 جىلدار ارالىعىن قامتيتىن «100 جىل — 100 گازەت» اتتى كەڭ كٶلەمدٸ كٶرمە ۇيىمداستىرىلدى.
بۇعان دەيٸن, الماتىدا «Egemen Qazaqstan» باسىلىمىنىڭ قۇرمەتٸنە ەسكەرتكٸش تاقتا ورناتىلعانىن جازعان بولاتىنبىز.
