Almaty qalalyq turǵyn úi basqarma basshysynyń orynbasary Meiirjan Otynshiev megopolistegi zalalsyzdandyrý jumystary týraly málim etti, dep habarlaidy "Ult aqparat".
Onyń aitýynsha, Almaty qalasynyń bas memlekettik sanitarlyq dárigeriniń qaýlysyna sáikes, qalalyq turǵyn úi saiasaty basqarmasy kóppáterli úilerdiń kireberisteri men balalar alańdaryn aptasyna 3 ret profilaktikalyq zararsyzdandyrý jumystaryn qaita bastady. Sonymen qatar, koronavirýs infektsiiamen aýyrý tirkelgen jaǵdaida turǵyn úilerdiń kireberisterine qorytyndy túrinde bir ret zararsyzdandyrý júrgiziledi.
«Almatyda dezinfektsiialyq jumystar naýryz aiynda bastalǵan bolatyn. Tamyz aiyna deiin aptasyna eki ret óndeldi. Qyrkúiek pen qazan aiynda aptasyna bir ret júrgizildi. Qarashanyń ekisinen bastap aptasyna úsh ret kóppáterli turǵyn úilerdi óńdeýge 60 brigada shyǵady. Olardyń quramynda 600 – ge jýyq dezinfektsiialaýshy bar. Sonymen qatar, dezinfektsiiany júrgizer aldynda turǵyndarǵa habarlanady», – deidi Meiirjan Otynshiev.
Eske sala keter bolsaq, qalada 8503 úide 23454 kireberis jáne 4082 aýla aýmaqtary bar.
