Almatyda ótip jatqan qoǵamdyq keńes otyrysynda qaitys bolǵan mánerlep syrǵanaýshy Denis Tenge "Halyq qaharmany" ataǵyn berýdi usynyldy, - dep habarlaidy Tengrinews.kz tilshisi.
"Denis Tenge "Halyq kaharmany" ataǵyn berýdi usynamyn. Shyn máninde, ol politseiler isteýi tiis áreketti jasady - qylmyskerlerdi ustady. Ol ózin qorǵady, ádildik úshin kúresti, ereje buzýshylardy toqtatýǵa tyrysty. Sol sebepti de qaitys boldy. Sondyqtan oǵan birinshi kezekte qoldan keletini - "Halyq kaharmany" ataǵyn berý", - dedi almatylyq turǵyn Álnur Iliashev.
Almaty qalalyq Qoǵamdyq keńes tóraǵasy Rahman Alshanov ta bul bastamany qoldaitynyn aitty.
"Bul qylmys boiynsha jumystar júrgizilip jatyr. Sport keshenine Denis Tenniń esimin berý máselesi de qarastyrylyp jatyr", - dedi Rahman Alshanov.
Eske salaiyq, 19 shildede Almatyda belgisiz bireýler Denis Tendi pyshaqtap ketken bolatyn. Oqiǵa shamamen 15.00-de Qurmanǵazy men Baiseiitova kósheleriniń qiylysynda bolǵan. Keiin qalalyq IID ókilderi Denis Tenge avtourylar shabýyl jasaǵanyn málimdedi. Sóitsek, sportshy urylardyń ústinen túsken bolyp shyqty. Janjal kezinde sportshynyń aiaǵyna pyshaq tiip, kóp qan joǵaltqan. Ol aýrýhanada kóz jumdy.
Keiinirek qoǵam belsendileri IIM men IID basshylyǵyn aýystyrýdy talap etetinderin málimdegen edi.
