Almatyda demalys jáne mereke kúnderi vaktsina salý jalǵasady. Bul týraly onlain brifing barysynda «Respýblikalyq elektrondyq densaýlyq saqtaý ortalyǵy» ShJQ RMK Almaty qalalyq filialynyń direktory Gúlnar Ysqaqova aitty, dep habarlaidy "Ult aqparat".
«Qazaqstanda jappai vaktsinalaýdyń júrgizilýine bailanysty, turǵylyqty jerine nemese Almatyda tirkelgenine qaramastan, kez kelgen adam koronavirýsqa qarsy ekpe jasata alady. Sondai-aq, Almatyda turýǵa ruqsaty bar shetel azamattaryn, eńbek migranttaryn, bosqyndardy jáne shetel stýdentterin tegin vaktsinatsiialaimyz. Almatyda olardyń sany 7 myńǵa jýyq», - deidi Gúlnar Ysqaqova.
Sonymen qatar, ol megapoliste demalys jáne mereke kúnderi egý pýnkteri jumys isteitinin aitty.
«Almaty qalasynyń kez kelgen jerinde ekpe saldyrýǵa bolady. Kún saiyn demalyssyz jáne úzilissiz 215 ekpe pýnkti jumys isteidi, qajet bolǵan jaǵdaida rezervte taǵy 250 ekpe pýnkti bar», - dep tolyqtyrdy spiker.
Aita keteiik, eldiń ár turǵyny vaktsina túrin tańdaýǵa quqyly. Iaǵni qazaqstandyq QazVac pen reseilik «Spýtnik-V», sondai-aq, Qytaida óndirilgen vaktsinany saldyrady.
«Sonymen qatar, qajet bolǵan jaǵdaida vaktsinanyń ekinshi komponentin burynǵy keste boiynsha 21 kúnnen keiin de alýǵa bolady. Ol úshin ekpe pýnktine habarlasyp, erikti túrde ótinish jazý qajet. Ázirge QR Bas memlekettik sanitarlyq dárigeriniń qaýlysyna sáikes ekinshi ekpe 45 kúnnen keiin alynady», - dedi ol.
