Almatyda ań aýlaityn qarýdan atyp óltirilgen er adam gastroenterolog dáriger Iýrii Shýmkov bolyp shyqty. Odan burynǵy emdelýshisi kek almaq bolǵan, dep habarlaidy QazAqparat.
Bul aqparatty Almaty qalalyq politsiiasy rastady.
«Kisi qolynan qaza tapqan adam - gastroenterolog Iýrii Shýmkov. Politseilerdiń jumys nusqalarynyń birine sáikes, qylmysty onyń emdelýshi patsienti jasaýy múmkin»,- dep habarlady Almaty qalalyq politsiia departamentiniń baspasóz qyzmeti.
Aita keteiik, asa aýyr qylmys búgin tańerteń qalanyń Bostandyq aýdanynda bolǵan.
1975 jyly týǵan Sh. esimdi azamat kisi qolynan qaza tapty. Oǵan bireý ań aýlaityn myltyqtan oq atqan.
Bul qylmys birden ashyldy. Kúdikti qalada engizilgen arnaiy jospar barysynda Almatynyń Alataý aýdany aýmaǵynda ustaldy.
