Almatyda koronavirýstan em qabyldaǵan taǵy eki naýqas jazylyp shyqty, dep habarlaidy "Ult aqparat".
Qalalyq Qoǵamdyq densaýlyq saqtaý basqarmasynyń baspasóz qyzmetiniń habarlaýynsha, naýqastardyń biri - áiel adam «Frankfýrt –Nur-Sultan – Almaty» baǵyty boiynsha ushyp kelgen. Al ekinshisi – «Máskeý – Almaty» reisimen kelgen er adam. Ekeýi de tiisti em-dom sharalaryn aldy. Olar endi meditsina qyzmetkerleriniń baqylaýynda 14 kúndik úi karantininde bolady.
Osymen Almatyda koronavirýstan 7 adam jazylyp shyqty.
Qazir qalalyq juqpaly aýrýlar statsionarlarynda barlyǵy 60 naýqas koronavirýs infektsiiasynan emdelip jatyr.
Jańadan anyqtalǵan 9 naýqastyń altaýy infektsiia juqtyrǵandarmen bailanysta bolǵany anyqtaldy. Bir áiel adam 19 naýryzda «Minsk – Almaty» reisimen, bir patsient «Dýblin – Ystanbul – Almaty» baǵytymen jáne bir adam «Ystanbul – Almaty» reisimen ushyp kelgen.
«56 naýqastyń jaǵdaiy qanaǵattanarlyq, 1 áieldiń jaǵdaiy aýyr, 4-eýiniń jaǵdaiy ortasha jáne 1 balanyń densaýlyǵy jaqsaryp keledi.
Jalpy alǵanda búgingi kúni provizorlyq ortalyqtarda 1032 adam bar. Onyń 122-si – bala, 159 adam karantindik oqshaýlaýda, 1514-i - úi karantininde», - delingen aqparatta.
Aita keteiik, Qazaqstanda barlyǵy 20 adam (Nur-Sultan - 13, Almaty - 7) aýrýdan jazylǵan.
