Almatyda COVID-19 jańa tolqynyna 5500 meditsina kadrynan rezerv quryldy.
Bul týraly Almaty qalasynyń Óńirlik kommýnikatsiialar qyzmeti alańynda ótken onlain-suhbat barysynda Joǵary meditsinalyq kolledjdiń direktory Svetlana Sultanǵazieva aitty, dep habarlaidy "Ult aqparat".
Koronavirýs infektsiiasynyń taralýynyń aldyn alý úshin densaýlyq saqtaý júiesin damytýdyń barlyq baǵyttary boiynsha keshendi jumystar júrgizilip jatyr.
«Ýaqtyly dári-dármekpen qamtamasyz etý, klinikalardyń materialdyq-tehnikalyq jabdyqtalýy, infektsiialyq tósek-oryndardy ulǵaitý jáne taǵy basqa áleýmettik-ekonomikalyq máselelerden basqa, densaýlyq saqtaý uiymdaryn meditsina kadrlarymen qamtamasyz etýge erekshe kóńil bólindi», - dedi ol.
Almaty qalasynda qoǵamdyq densaýlyq saqtaý basqarmasyna qarasty 74 uiym, 20 respýblikalyq uiym jáne 93 jekemenshik nysanyndaǵy uiym jumys isteidi. Bul uiymdarda 38 myńnan astam qyzmetker bar.
Meditsina kadrlarymen qamtamasyz etý máselesi boiynsha COVID-19–ben kúreske 27 densaýlyq saqtaý uiymy jumyldyrylyp, 6200-ge jýyq tósek-oryn ornalastyrylǵany aityldy. Sol kezde infektsiialyq statsionarlarda 4035 qyzmetker eńbek etti.
Epidemiialyq jaǵdaidyń turaqtalýyna bailanysty kópsalaly klinikalar qalypty rejimge kóshti.
Juqpaly aýrýlar klinikalarynda koronavirýs juqtyrǵan 100-den astam naýqas bar. Onda 400-ge jýyq dáriger men medbike, kishi meditsinalyq personal shtattyq rejimde eńbek etip jatyr.
«Jańa tolqyn» jaǵdaiynda 5500-ge jýyq meditsinalyq kadr rezervte tur. Meditsinalyq joǵary oqý oryndarynyń oqytýshylary, rezidentteri men dáriger internderinen rezerv qalyptastyryldy, olardyń sany 450-ge jýyq», - dedi Svetlana Sultanǵazieva.
